A Fundación Vodafone e a Xunta de Galicia convocaron aos participantes no Proxecto Digicraft a participar no Reto Digicraft, unha actividade colaborativa e dixital, onde se retou ao alumnado e profesorado participante a desenvolver de xeito colaborativo e online un cómic dixital facendo uso dos recursos do proxecto.
Desde DigiCraft proporcionouse a historia base do cómic, os escenarios e personaxes, de forma que o alumnado só tivo que completar o texto e debuxar as súas propias viñetas.
O pasado venres 19 de xuño ás 12:00 horas, desvelouse o cómic gañador do Reto DigiCraft Online: o CPI Plurilingüe O Cruce (Cerceda - A Coruña). Este centro escolar premiado recibirá dous kits DigiCraft completos: un de Realidade Aumentada e Videoxogos e outro de Intelixencia Artificial e Robótica.
Na seguinte ligazón pódese ver o evento completo:
https://www.youtube.com/watch?v=pevYkRkHDmI&feature=youtu.be
