Agueiro é unha plataforma en liña que a Axencia para a Modernización Tecnolóxica de Galicia (AMTEGA) e a Consellería de Educación da Xunta de Galicia ofrecen aos centros educativos galegos como ferramenta para poder crear a súa propia comunidade educativa dixital donce poderá participar todo o profesorado e alumnado do propio centro. Agueiro está baseado no software “Mahara”, unha aplicación web de software libre para a xestión de e-Porfolios e redes sociais educativas.

Agueiro combina as funcionalidades de comunidade educativa dixital, portafolio dixital educativo e espazo persoal de almacenamento na nube. Todos o profesorado dos centros educativos de Galicia que dispoñan de unna conta de correo “usuario@edu.xunta.gal” poden acceder directamente a Agueiro introducindo as súas credenciais persoais.

Para poder dar de alta aos seus alumnos, o centro educativo debe dispoñer dá a súa propia comunidade educativa dixital dentro de Agueiro.

Agueiro é unha plataforma que proporciona unha contorna virtual de aprendizaxe moi diferente a outros contornas como Moodle, aínda que estas diferenzas non implican que sexan incompatibles senón que mesmo poden chegar a ser complementarios.

 

Moodle	Agueiro
Centrado nos cursos/contidos. Os cursos definen a súa estrutura. O alumnado recibe cualificacións. Os contidos son visibles dentro dos cursos para todos os usuarios matriculados.. As relacións entre usuarios enmárcanse dentro dos cursos.	Centrado no usuario. Orgánico, non estructurado. Non hai cualificacións. Cada usuario crea os seus propios contidos e decide sobre a súa visibilidade. Cada usuario determina as súas propias relacións cos demais.

 

O uso dos portafolios dixitais na educación introduce e reforza varios aspectos

• Fomenta a autonomía do alumno na súa aprendizaxe.
• Responsabiliza ao alumno do seu propio proceso formativo.
• Obriga ao alumno para reflexionar sobre o que aprende e como o aprende.
• Potencia o desenvolvemento de destrezas colaborativas por parte dos alumnos cos seus compañeiros.
• Desenvolve a capacidade do alumno para resolver problemas en situacións novas.

 

Para que serve Agueiro?

• Para que o alumno rexistre as evidencias ou mostras da súa aprendizaxe e así poder avaliar os seus progresos dunha maneira continuada.
• Para que o profesor estea sempre informado sobre o nivel de competencia que vai adquirindo cada alumno durante o seu proceso de aprendizaxe.
• Para crear e favorecer unha contorna de aprendizaxe nun contexto dixital, diferente ás aulas tradicionais.
• Para que o alumno poida compartir cos demais as súas experiencias de aprendizaxe.

 

Traballando con Agueiro, en 7 pasos

 

1.- Elaborar un plan de traballo

O profesor elabora unha páxina que posteriormente compartirá cos seus alumnos. Esta páxina contén o plan de traballo.

• Plan de traballo
• Obxectivo xeral
• Tarefas nas que se divide o plan
• Temporalización e prazos
• Documentos, contidos, ligazóns ..
• Outras fontes de información

 

2.- Analizar o plan de traballo

Os alumnos, individualmente ou en grupo, analizan o plan de traballo proposto.

• Consultan as dúbidas  
• Interiorizan o obxectivo xeral
• Entenden cada unha das tarefas
• Asimilan a temporalización
• Verifican os contidos propostos
• Comproban as ferramentas

 

3.- Documentarse e informarse

• Os alumnos comenzan a consultar a documentación e os contidos propostos polo profesor para este plan de traballo.
• O alumno preguntará ao seu profesor todo o que non entenda ou aquelo para o que necesite unha aclaración.

 

4.- Realizar as tarefas propostas

• Os alumnos realizan todas as tarefas nas que se divide o plan de traballo.
• Cada tarefa realizada producirá como resultado unha ou varias evidencias que serán a proba do traballo e da competencia do alumno.

 

5.- Elaborar a páxina do alumno

• Cada alumno crea a súa propia páxina, onde irá incorporando todas as evidencias resultantes do seu traballo.
• No caso dun traballo colaborativo, crearase unha páxina de grupo onde cada alumno incorporará as súas evidencias.

 

6.- Avaliación do profesor

• Os alumnos comparten as súas páxinas co seu profesor, para que este poida valorar e avaliar o seu traballo.
• No caso dun traballo de grupo, o profesor valorará tanto o traballo colaborativo como o traballo individual de cada alumno.

 

7.- Reflexionar sobre a aprendizaxe

Durante todo o proceso de aprendizaxe anterior o alumno experimentará diversas circunstancias:

• Xurdiranlle dificultades que deberá resolver.
• Aprenderá moitas cousas novas.
• Comprenderá facilmente algunhas cousas, pero outras non.
• Descubrirá relacións entre o que aprende e a contorna que o rodea.
• Aprenderá a traballar dunha maneira diferente.
• Aprenderá a manexar ferramentas novas.
• O alumno irá anotando no seu blog persoal (en Agueiro) todas estas experiencias a modo de reflexión sobre elas, polo menos unha vez en cada plan de traballo.

Imaxe