Aberto o prazo de inscrición para o Concurso Ciberseguridade no cole! dirixido aos niveis de 5º e 6º de Primaria e 1º e 2º de Secundaria. Esta actividade promovida por Telefónica enmárcase dentro do encontro galego de ciberseguridade CIBER.gal que se celebrará os días 10 e 11 de novembro de 2021 na Cidade da Cultura de Santiago de Compostela. O obxectivo do concurso é concienciar aos escolares sobre os riscos aos que se enfrontan cando empregan as tecnoloxías dixitais.
Ciberseguridade no cole! conta cunha fase en liña que será celebrada o 4 de novembro, e unha final presencial o día 10 de novembro ás 16:00h. Para participar, é preciso inscribirse neste formulario antes do 29 de outubro ás 12:00h.
Os detalles mais relevantes do concurso e as súas bases legais poden consultarse nas seguintes ligazóns:
Neste encontro galego de ciberseguridade, promovido é organizado polo nodo galego de ciberseguridade CIBER.gal, ademais deste concurso destinado aos escolares realizaranse outras actividades de interese para a as familias, tanto para os titores legais como para os menores. As actividades dirixidas a este colectivo celebraranse o día 10 de novembro na quenda de tarde. Para consultar en detalle o resto de actividades, podedes acceder ao programa aquí. Proximamente abrirase a inscrición para o resto de actividades do evento.