Inscricións abertas ata o vindeiro 6 de outubro
Xa podes inscribirte en AmIAire, o proxecto de ciencia cidadá para medir a calidade do aire en centros educativos de forma participativa.
Con AmIAire, 1000 estudantes de 30 centros educativos monitorizarán a calidade do aire do seu contorno empregando un método sinxelo para recoller partículas en suspensión e analizar o seu impacto. O obxectivo último do proxecto é concienciar o alumnado sobre a importancia dun aire limpo, e sobre as decisións individuais que poden contribuír a melloralo.
O proxecto está coordinado pola Universidad de Deusto, e realízase xunto con Ibercivis e Scicling, coa colaboración da Fundación Española para a Ciencia e a Tecnoloxía - Ministerio de Ciencia, Innovación e Universidades. Por tanto, faise un chamamento ao profesorado que teña interese en liderar o proxecto para construír coñecemento científico, impactar no alumnado con aprendizaxes significativas, e con vontade de impulsar a mellora medioambiental nas contornas dos centros.
Que ofrece AmIAire ao profesorado?
- Formación: Obradoiros iniciais e webinars para introducir o proxecto, os seus obxectivos e as plataformas de traballo.
- Recursos didácticos: Guías sobre o método científico e materiais educativos dispoñibles para traballar na aula.
- Tecnoloxía: Sensores de calidade do aire, unha aplicación móbil para medicións automáticas e acceso a datos en tempo real de estacións meteorolóxicas próximas.
- Apoio e acompañamento: Soporte continuo durante o proxecto, incluíndo visitas das investigadoras e investigadores de Scicling en bicicleta (dispoñible só nalgúns centros seleccionados).
- Facer ciencia cidadá: Ferramentas para guiar o alumnado na creación de campañas científicas e na recollida de datos para mellorar as políticas medioambientais.
Duración do proxecto: Un curso escolar (outubro de 2024 a xuño de 2025).
Como participar? O persoal docente interesado debe completar este formulario antes do 6 de outubro de 2024. As bases do proxecto están dispoñibles en https://amiaire.org/wp-content/uploads/2024/09/Bases-proyecto-AmIAire.pdf. Para máis información, poden contactarnos en proyecto@amiaire.info