Scientix é unha comunidade europea dedicada á promoción e mellora da educación nas áreas de Ciencia, Tecnoloxía, Enxeñaría e Matemáticas (CTIM). Esta iniciativa, financiada pola Comisión Europea e coordinada por European Schoolnet, un consorcio de 31 ministerios de educación con sede en Bruxelas, ten como obxectivo facilitar a divulgación e o intercambio continuo de coñecementos técnicos e exemplos prácticos no ensino das ciencias en toda a Unión Europea.
- Onde se atopa STREAM IT
O proxecto ST(R)E(A)M IT ten como obxectivo abordar as desigualdades de xénero persistentes na educación, investigación e innovación STEM (Ciencia, Tecnoloxía, Enxeñaría e Matemáticas), fomentando a aplicación do Manifesto Europeo para unha Educación e Carreiras STE(A)M Inclusivas. Este proxecto aliña a súa visión coa da Comisión Europea, que procura unha sociedade na que persoas de todas as identidades teñan igualdade de oportunidades para desenvolver o seu potencial e liderar o progreso.
A pesar dos avances en igualdade de xénero, as diferenzas de participación e representación nos campos STEM seguen sendo significativas, especialmente entre as mozas. Para superar estas barreiras, ST(R)E(A)M IT promove ferramentas educativas innovadoras e inclusivas, deseñadas para atraer e capacitar grupos infrarrepresentados, con especial atención ás rapazas de 14 a 18 anos.
Os principais obxectivos do proxecto son:
- Capacitar a mocidade, especialmente ás mozas, para carreiras en campos baseados na innovación, rompendo estereotipos de xénero.
- Fomentar carreiras STEM inclusivas, reforzando o atractivo destes campos e ampliando o fluxo de talento diverso.
- Crear redes sostibles que reúnan axentes do ecosistema STEM e da investigación e innovación (R+I) para apoiar a educación STEM.
- Apoiar o profesorado, proporcionándolles coñecementos e recursos para eliminar as barreiras de xénero na aula.
ST(R)E(A)M IT contribúe así a un futuro onde a educación STEM é un espazo de igualdade, diversidade e innovación, facilitando que todas as persoas poidan alcanzar o seu máximo potencial.
Destinatarios/as
licenciadas/os, autoridades educativas, público en xeral, industria, nais e pais, responsables políticos, estudantes de primaria, investigadoras/es, estudantes de secundaria, docentes, docentes en prácticas, nenas/os en idade escolar, universitarias/os, docentes universitarios, estudantes de formación profesional.
Coordinador
HETFA Research Institute, https://hetfa.eu/
Colaboradores en España