Nesta experiencia exploraremos a beleza da ciencia. A partir dun prato con leite e colorantes, observaremos como actúa un quitagraxas.

Imaxe

Imagen de PublicDomainPictures en Pixabay. Cores (CC0)

Cesta de materiais

Preme nos puntos interactivos da imaxe.

/>

Mans á obra

Paso 1

Bota o leite no recipiente fondo, debería ter como dous centímetros de alto aproximadamente.

 Paso 2

Deixa caer unha gota de colorante alimenticio. Podes botar varias á vez deixándoas separadas para que non se mesturen, como se ve na foto.

 

Imaxe

Sheila Mirón. Experimento do quitagraxas.

Paso 3

Molla a puntiña do mondadentes co quitagraxas, non ten que ser moita cantidade.

Imaxe

Sheila Mirón. Experimento do quitagraxas.

Paso 4

Toca con coidado unha das gotas de colorante e observa o que ocorre.

Imaxe

Sheila Mirón. Experimento do quitagraxas.

Paso 5

Repite a monobra co resto de gotas de colorante.

Paso 6

Que ocorre se utilizamos leite desnadato? E se fose sen lactosa funcionaría igual? 

 

Tips docentes

Os tips do profesorado son pequenas axudas para desenvolver a estratexia educativa de forma adecuada.

 O tamaño do recipiente/prato non é importante pero, canto máis grande sexa, máis gotiñas de colorante poderemos poñer observando así máis veces a experiencia.

 É interesante ter a man distintos tipos de leite para ver se funciona igual en todos.

 Tamén podemos probar a usar distintos quitagraxas (de louza, do forno, de cociñas...) e observar se teñen a mesma "potencia".

 Cando se impregne o palillo co quitagraxas, é recomendable que non leve unha gota moi grande xa que nos ocupará todo o prato e non nos deixará observar con outras gotas de colorante nese mesmo prato.

A túa clase nun clic

Implementa esta microsecuencia na túa aula Moodle (Descarga dispoñible en galego ou castelán).

Imaxe

Imaxe