Nesta experiencia conectaremos dúas Microbit por radio ao mesmo grupo. Deste xeito unha actuará como emisora e pedirá axuda á segunda placa que recibirá a demanda de axuda. Tecnoloxía coa finalidade de socorrer e/ou axudar aos demais.

Imaxe

Cesta de materiais

Preme nos puntos interactivos da imaxe.

Mans á obra

Paso 1

• Accede a Makecode dende o ordenador.

  https://makecode.microbit.org/

 Paso 2

• Selecciona a opción de crear un novo proxecto ao que chamaremos “Pido axuda con Microbit”.

Paso 3

• Establecemos un grupo de radio que conecte ambas placas ao iniciar, neste caso “1”.

Paso 4

• Ao premer A, nunha das placas enviamos a mensaxe ”SOS” á outra placa demandando axuda.

Paso 5

• A outra placa recibe a mensaxe e ao premer B, envía a mensaxe de “recibido” á placa demandante de axuda.
  Imaxe

  

 

Paso 6

• No simulador da Microbit, podes visualizar o correcto funcionamento antes de descargar o programa na placa.

 

Paso 7

• Conecta as placas co ordenador e selecciona descargar. Arrastra o programa ao cartafol da Microbit. Primeiro nunha e logo na outra.

Paso 8

• Unha vez cargado nas placas, lévaas no pulso, cunha correa, cunha cinta a modo de colgante ou no peto (neste caso precisaremos dun son que acompañe a recepción da mensaxe e que nos axude a visualizalo no momento).

Paso 9

• Preme o botón A e envía a mensaxe. A outra persoa ve a mensaxe e preme B e respóndeche que xa o recibiu e que está de camiño.

 

 

 

Tips docentes

Os tips do profesorado son pequenas axudas para desenvolver a estratexia educativa de forma adecuada.

 Para traballar en Makecode pódeno facer online sen necesidade de rexistrarse.

 A programación é moi intuitiva, pois é mediante bloques e a interfaz é semellante a Scratch.

 Poderían ver como funciona simulando o uso na aula. En vez de levantar a man para pedir axuda ou sinalar algo, premer A e nós recibimos a demanda de axuda.

 Pódese levar a cabo noutros espazos como no patio.

 Se se garda no peto, compre engadir un son que nos avise da recepción da mensaxe.

 É interesante facerlles ver que pode resultar útil para empregar no fogar, e pode ser práctico para persoas dependentes que piden axuda ao seu coidador a través desta placa cando a precisan.

A túa clase nun clic

Implementa esta microsecuencia na túa aula Moodle (Descarga dispoñible en galego ou castelán).

Imaxe

Imaxe