Por que: En moitas ocasións o alumnado observa un fenómeno que precisa explicación xa que non comprende o que está a suceder. O procedemento máis sinxelo é realizar unha pregunta e respondela directamente. Porén, a mellor maneira de aprender de forma autónoma é que o alumnado indague e resolva o problema por si mesmo, sempre con apoio docente.

Que: Aprender comprendendo é diferente a lembrar feitos. Isto non quere dicir que os datos non sexan importantes, senón que son insuficientes para coñecer un concepto. É necesario saber o nome dos planetas, pero é imprescindible que o alumnado coñeza as interaccións entre eles e así pescudar por que e como se moven.

Os principios e conceptos non deberían transmitirse directamente ao alumnado, senón que deberían ser recreados simulando as condicións orixinais e adaptados ao pensamento de cada estudante.

Como: Normalmente identifícanse e desenvólvense 6 fases consecutivas.

Imaxe

Cando: Dentro dunha ABP ou unha ApS onde necesitemos explorar solucións a problemas e queiramos experimentar fenómenos cotiás ou sorprendentes.

Onde: Necesitamos un espazo flexible, amplo, o máis aberto posible, onde os equipos poidan agruparse e moverse libremente.  Pode realizarse dentro do laboratorio asegurando unha marxe de liberdade de movementos.