Nesta microsecuencia deseñamos en Tinkercad elementos Patrimonio da Humanidade e creamos coa placa Makey Makey paneis informativos cos seus datos máis significativos.

Imaxe

Cesta de materiais

Preme nos puntos interactivos da imaxe.

Mans á obra

Paso 1

• O alumnado en grupos de 4 procura información sobre diferentes elementos arquitectónicos Patrimonio da Humanidade.

 Paso 2

• Extraen a información máis relevante e crean un texto expositivo para gravar en Scratch e elaborar un panel interactivo.

Paso 3

• Asocian cada fragmento que gravan a unha frecha do Makey Makey e únena con cadanseu elemento metálico do panel informativo.

Paso 4

• Cargan o programa de Scratch (extensión Makey Makey) na placa.

Paso 5

• Deseñan en Tinkercad o monumento escollido e imprímeno na impresora 3D do Polo Creativo do centro.

Imaxe

 

Paso 6

• Expoñen a maqueta tridimensional nun lugar visible e invitan a que os demais interaccionen para coñecer máis a fondo aspectos destacados sobre cada un dos monumentos escollidos.

Imaxe

 

 

Tips docentes

Os tips do profesorado son pequenas axudas para desenvolver a estratexia educativa de forma adecuada.

 É importante traballar previamente a importancia dos monumentos e da súa correcta conservación, co fin de crear un vínculo co noso patrimonio.

 É interesante afondar no concepto de terra e que pasa se non usamos ese cable nas nosas maquetas e o porqué.

 Ademais do grafito, é práctico probar con outros materiais para que o alumnado experimente, clasifique e saque conclusións sobre cales son condutores e cales non. É útil formular hipóteses con diferentes obxectos e logo experimentar e observar para sacar conclusións. 

 É importante unha alfabetización previa no deseño 3D, mais en pouco tempo logran acabados bastante profesionais (alumnado de 6º de EP).

 Pódese complementar con outros elementos STEAM: luz LED no faro (torre de Hércules), empedrado (Muralla de Lugo)... Para iso poderían ser necesarios materiais complementarios como: leds, cinta de cobre...

 Resulta interesante unha vez feita a actividade fomentar que empreguen este recurso para extraer ideas para outras tarefas/traballos... como poden ser a elaboración dun conecta, e-téxtiles ou a creación de xogos interactivos en Scratch, instrumentos musicais...

A túa clase nun clic

Implementa esta microsecuencia na túa aula Moodle. (Descarga dispoñible en galego ou castelán).

Imaxe

Imaxe