Nesta experiencia exploraremos a beleza da ciencia a partir dunha experiencia con dous materiais de uso cotiá na cociña: auga e canela en pó.

Imaxe

Cesta de materiais

Preme nos puntos interactivos da imaxe.

Mans á obra

Paso 1

 

• Botamos auga nun vaso ou bote de cristal.
• Cunha culleriña, botamos canela sobre a auga (quedará flotando na superficie)

Imaxe

 Paso 2

 

• Mete o teu dedo índice dentro do vaso e observa o que ocorre.

Imaxe

Paso 3

 

• Que acontece ao sacar o dedo da auga?

Imaxe

Tips docentes

Os tips do profesorado son pequenas axudas para desenvolver a estratexia educativa de forma adecuada.

Esta experiencia é moi sinxela, pero ten unha gran importancia de cara ao coñecemento da tensión superficial e da impermeabilidade.

Neste caso, a explicación que daremos ao noso alumnado, ao tempo que facemos a experiencia pasará por explicarlles en cada paso o porqué de cada cousa que acontece. 

Comezaremos botando a auga no vaso e posteriormente a canela por riba. O alumnado verá como a canela se queda flotando na superficie. A que se debe? Pois á tensión superficial. Esta é a propiedade físico-química dos líquidos que se refire á forza que actúa na superficie do líquido tendendo a diminuir a súa área superficial ao mínimo posible.

Dita propiedade resulta das forzas de cohesión entre as moléculas do fluído. Esta forza hai que a superficie da auga actúe como unha membrana que non se pode perforar. Pois iso, ao meter o dedo na auga, a canela rodea dita membrana, pero ao sacar o dedo vemos que está seco, pois a tensión superficial non permitiu a súa perforación.

Podemos falarlles dalgúns exemplos sobre a tensión superficial na natureza, como son: os mosquitos zapateiros pousándose sobre a auga, as gotas de auga de chuvia e a súa forma, as burbullas de xabón, a formación das bágoas...

Aproveitamos tamén para contarlles que a canela sae da corteza interior dunha árbore, o canelo. Esta árbore ten unha densidade moito menor que a auga, polo que non se afunde.

A túa clase nun clic

Implementa esta microsecuencia na túa aula Moodle (Descarga dispoñible en galego ou castelán).

Imaxe

Imaxe