Nesta experiencia contaremos os nosos pasos grazas á programación e emprego dun podómetro feito coa Microbit e programada en MakeCode. Que mellor xeito de achegarse ao funcionamento de obxectos do noso día a día?

Imaxe

Cesta de materiais

Preme nos puntos interactivos da imaxe.

Mans á obra

Paso 1

• Accede a Makecode dende o ordenador. 

  https://makecode.microbit.org/

 Paso 2

• Selecciona a opción de crear un novo proxecto ao que chamaremos “Podómetro”.

Paso 3

• Crea unha variable chamada “pasos”. Indica que ao premer o botón A estableza o número de pasos a 0.

Paso 4

• Logo indica que se se axita – cambiar pasos por 1.

Paso 5

• Finalmente sinala que sempre mostre o número de “pasos”. 
  Imaxe

  

 

Paso 6

• No simulador da Microbit, podes visualizar o correcto funcionamento antes de descargar o programa na placa.

 

Paso 7

• Conecta a placa co ordenador e selecciona descargar. Arrastra o programa ao cartafol da Microbit.

Paso 8

• Unha vez cargado na placa, fíxaa cos elementos de fixación no nocello e conecta o sistema de alimentación externo (pilas AA no portapilas ou batería).

Paso 9

• Preme o botón A e comeza a camiñar. Xa contas cun podómetro feito por e para ti. E lembra: “Cada paso conta”.

 

 

 

Tips docentes

Os tips do profesorado son pequenas axudas para desenvolver a estratexia educativa de forma adecuada.

 Para traballar en Makecode pódeno facer online sen necesidade de rexistrarse.

 A programación é moi intuitiva, pois é mediante bloques e a interfaz é semellante a Scratch.

 Se non dispós de correa e de sistema de suxección pódese facer unha mini caixa con cartón para protexer a placa e con velcro suxeitala ao nocello.

 Poderían rexistrar o n.º de pasos que fan diariamente no recreo, por exemplo e con eses datos traballar a estatística en matemáticas.

 Medindo a lonxitude dun paso deles, tamén nos permite saber o número de quilómetros percorridos, multiplicando o número de pasos polos centímetros de cada paso e expresando o resultado final en quilómetros.

 É un xeito moi saudable de traballar as matemáticas e de facer os recreos menos sedentarios.

A túa clase nun clic

Implementa esta microsecuencia na túa aula Moodle (Descarga dispoñible en galego ou castelán).

Imaxe

Imaxe