Fabricamos un gramófono caseiro
Competencias
STEM3
CPSAA1
CE3
Palabras Clave
Gramófono
Música
Son
Habilidades
Experimentación
Toma de decisións
Traballo colaborativo
Estratexias
Autoavaliación
Diana
Observación do profesorado
Autoría
Raquel Gey Piñeiro

 

Seremos quen de escoitar o son que se esconde nos surcos dun discode vinilo con un artiluxio feito a man?

A posibilidade de rexistrar o son é algo moi recente! No ano 1857, Leon Scott inventou o fonoautógrafo, o primeiro dispositivo capaz de grabar son. Iso si, non foi até o 1877 cando Thomas Edison anunciou a invención do fonógrafo, capaz de grabar e reproducir son. 

Mediante este aparello, as ondas sonoras son transformadas en vibracións mecánicas que moven unha agulla, a cal traza surcos sobre a superficie maleable dun disco. De maneira inversa, se facemos que a agulla percorra o surco do disco, xéranse vibracións mecánicas que se transforman en son amplificado por unha campana cónica. 

Como podedes ver, os primeiros inventos para reproducir son, eran bastante rudimentarios. 

Animádevos a replicar este artiluxio para desentrañar os segredos que gardan os surcos dun disco de vinilo!

Experimento fonógrafo caseiro
Imaxe de creación propia con Canva. (CCO)

Cesta de materiais

Preme nos puntos interactivos da imaxe.

Mans á obra

Paso 1

 

CORTAR A CARTOLINA

  • Medir a cartolina e cortar polo lado máis longo para darlle forma cuadrada. 
Cartolina
Imaxe propia creada con Canva (CCO) 
 Paso 2

 

INSERTAR O ALFILETE

  • Usando a cinta adhesiva, apegar o alfilete a unha das esquinas da cartolina. 
Alfilete en cartulina
Imaxe propia creada con Canva (CCO) 
    Paso 3

     

    ELABORAR A BUCINA

    • Pregar a cartolina formando un cono e apegar os laterais coa cinta adhesiva.
    Cono de cartolina
     Imaxe propia creada con Canva (CCO) 
    Paso 4

     

    ASEGURAR O LAPIS

    • Para axustar ben o lapis, débense usar as bandas elásticas, xa que lle soe quedar unha folgura coas beiras do orificio do disco. Desta maneira, cando se xire, o disco moverase sen balancearse arriba e abaixo. 
    Lapis insertado no disco
    Imaxe propia creada con Canva (CCO)
    Paso 5

     

    XIRAR O DISCO

    • Chegou o momento de probar o prototipo que recén construído. Para que este paso funcione, é necesario cooperar, xa que mentres un membro do equipo xira o lapis, o/a outro/a debe suxeitar o cono de cartolina.

    • É importante sinalar que se debe suxeitar o cono coa menor presión posible para non interferir no movemento da agulla nin na vibración do cono.

    • Por último hai que ser moi preciso para xirar o lapis a unha velocidade o máis constante posible e, sobre todo, facer silencio: a este artiluxio non se lle pode subir o volume!  

    Experimento gramófono
    Imaxe propia creada con Canva (CCO)
     
       

      Tips docentes

      Os tips do profesorado son pequenas axudas para desenvolver a estratexia educativa de forma adecuada.

      Este experimento está pensado para realizar en parellas. É moi posible que dañen o vinilo coa agulla polo que se recomenda utilizar discos de vinilo que xa estén un pouco deteriorados. 

      O son que van escoitar chega a ser recoñecible, pero non serve para gozar da canción. Trátase só dun experimento que ten como obxectivo que reflexionen acerca do sistema de grabación e reproducción do son mentres traballan e toman decisións en equipo.

      Pode resultar moi interesante afondar no que significan conceptos como RPM, decibelios, amplitude de onda, lonxitude de onda, etc. Isto dependerá do nivel de coñecementos do alumando e dos obxectivos da sesión. 

      A túa clase nun clic

      Implementa esta microsecuencia na túa aula Moodle (Descarga dispoñible en galego ou castelán).

      4
      cast