Facer música sen instrumentos musicais

Con esta actividade aprenderás a programar melodías con Scratch e lograrás sorprender en calquera festa de aniversario, facendo soar a melodía con tan só un ordenador. Anímate a probar con diferentes sons de instrumentos, a programar un acompañamento musical con percusión ou con acordes de teclado. Ademais, poderás recrear outras melodías que coñezas e incluso crear as túas propias usando a túa creatividade.

Cumpleaños feliz sen instrumentos — Imaxe propia creada con Canva IA. Feliz aniversario (CC BY-SA)

Cesta de materiais

Preme nos puntos interactivos da imaxe.

Mans á obra

Paso 1

CREAR PROXECTO EN SCRATCH

Para o emprego de Scratch, temos dúas posibilidades. Tanto se empregas a versión online, como se o tes instalado no teu computador, comezarás creando un proxecto novo.

Paso 2

PROGRAMAR A MELODÍA

Elimina o gato que aparece como obxecto por defecto sempre que iniciamos un nuevo proxecto de Scratch.
Engade un obxecto novo, facendo clic en “Choose a Sprite”.

Scratch. Choose a sprite — Imaxe propia. Captura de Scratch (CC BY-SA)

Fai clic na opción "Music" e elixe un instrumento, por exemplo, “keyboard”.

Scratch. Opción Music — Imaxe propia. Captura de Scratch (CC BY-SA)

Fai clic no símbolo de abaixo á esquerda.

Scratch. Extensións — Imaxe propia. Captura de Scratch (CC BY-SA)

Elixe a extensión de música.

Scratch. Extensión Music — Imaxe propia. Captura de Scratch (CC BY-SA)

Na pestana “Código”, copia o seguinte programa, localizando os bloques de código nas correspondentes categorías segundo as súas cores:

Scartch. Código Feliz aniversario — Imaxe propia. Captura de Scratch (CC BY-SA)

Paso 3

ANALIZAR A MELODÍA

Presiona sobre a bandeira verde para executar o programa e compara a melodía producida coa linguaxe musical da partitura.

Partitura Cumpleaños Feliz — Imaxe propia. (CC BY-SA)

Como terás notado, o código non fai soar toda a partitura. É a vosa quenda para completar, en parellas, o código da parte que falta. Fixádevos en que a duración que se lle asignou a cada un dos sons, respecta a relación entre as figuras da linguaxe musical.

Paso 4

RETOS PARA QUEN REMATE MÁIS RÁPIDO

Podes facer un acompañamento de acordes para que soe ao mesmo tempo que a melodía. Fai que todos os acordes soen durante o compás enteiro (tres pulsos), excepto os acordes do penúltimo compás, que duran dous pulsos e un pulso respectivamente. Un apuntamento importante: fíxate que o primeiro acorde comeza no segundo pulso.

Partitura de cumpleaños feliz con acordes — Imaxe propia. (CC BY-SA)

Un dos bloques, "drum", fai soar instrumentos de percusión. Crea un acompañamento para esta melodía.
Crea o código para outra melodía sinxela que coñezas. Escribe tamén o código para o acompañamento de percusión e acordes.

Tips docentes

Os tips do profesorado son pequenas axudas para desenvolver a estratexia educativa de forma adecuada.

Esta práctica pódese levar á aula en calquera nivel da ESO: Pola súa simplicidade na programación, é máis adecuado para 2º de ESO, pero tamén se pode desenvolver en cursos superiores para alumnado con nivel de iniciación á programación.

Para o emprego de Scratch, temos dúas posibilidades:

Scratch online, para o que se precisa dunha conexión á internet, dispoñible nesta ligazón: https://scratch.mit.edu/

Con esta opción, non se precisará que o alumnado se rexistre. Neste caso, deberán descargar os seus proxectos no computador, para non perdelos. Sempre se poderán reeditar, cargándoos desde o computador despois de ser gardados.

Versión instalable, que se pode descargar desde esta ligazón: https://scratch.mit.edu/download

Con esta opción, tamén se deben gardar os proxectos antes de pechar a aplicación. Sempre poderán editarse posteriormente.

Para realizar esta microsecuencia non é preciso ter traballado anteriormente con Scratch nin con outras aplicacións de programación por bloques. Basta con familiarizarse co contorno de Scratch 3.0, para poder localizar os diferentes elementos que se inclúen nesta práctica. Na internet existen numerosos titoriais que poden servir de axuda para iniciarse por primeira vez co programa. Velaquí dous exemplos:

Esta práctica pódese replicar para calquera melodía sinxela. Como reto proponse ao alumnado a programación dos acordes. O seguinte programa é un exemplo co cal se consegue dito resultado.

Scartch. Código de melodía con acompañamento — Imaxe propia. Captura de Scratch (CC BY-SA)

A túa clase nun clic

Implementa esta microsecuencia na túa aula Moodle (Descarga dispoñible en galego ou castelán).