Multiplícate ou divídete. Mitose

^{A presente microsecuencia forma parte dunha das actividades do proxecto “Manipulando a Bioloxía Celular e Molecular”, desenvolvido no marco dunha licenza de formación para a elaboración de materiais en estadías de experimentación e creación no CIEDix, concedida pola Consellería de Educación, Ciencia, Universidades e Formación Profesional no curso}^2024/2025^.

O recurso “Multiplícate ou divídete: En bioloxía é o mesmo, pero como se fai? Mitose” achega ao alumnado ao proceso de división celular, fundamental para o crecemento e mantemento dos seres vivos. A través dun libro interactivo H5P, explícase como unha célula orixinal se divide para xerar dúas células fillas idénticas, relacionando o concepto de multiplicación e división desde unha perspectiva biolóxica. O enfoque é visual e competencial, combinando observación, reflexión e creación para consolidar a comprensión do ciclo celular e da mitose como mecanismo esencial da vida.

Cesta de materiais

Preme nos puntos interactivos da imaxe.

Mans á obra

Paso 1

Introdución

O recurso “Multiplícate ou divídete: En bioloxía é o mesmo, pero como se fai? Mitose” introduce ao alumnado no proceso de división celular, esencial para o crecemento e a renovación dos seres vivos. A través dun libro interactivo H5P, que atoparás no seguinte paso, explícase como unha célula se divide en dúas idénticas, relacionando a multiplicación e a división desde a bioloxía.

Itinerario de aprendizaxe

Capítulo 1. Repasemos o que xa temos que saber. Actívase o coñecemento previo sobre o ADN, cromosomas e estrutura celular, preparando o alumnado para comprender a división celular.
Capítulo 2. Multiplícate ou divídete: En bioloxía é o mesmo, pero como se fai? Mitose Explica paso a paso o proceso da mitose, describindo as súas fases (profase, metafase, anafase e telofase). Acompáñase de imaxes e animacións que amosan como o material xenético se duplica e reparte entre as novas células.
Capítulo 3. A vida dunha célula. Amplía o contido coa explicación do ciclo celular completo, destacando a interfase e a importancia do control no proceso de división.
Capítulo 4. Proxecto. Anima o ciclo celular. Invita ao alumnado a crear unha animación ou maqueta sobre o ciclo celular, aplicando o aprendido de forma práctica, colaborativa e creativa.

Paso seguinte

Na actividade que atoparás a continuación, poderás aplicar todo o aprendido a través de exercicios interactivos que che axudarán a consolidar os teus coñecementos sobre o ADN e o seu papel fundamental na bioloxía molecular.

Paso 2

Paso 3

Vídeo

Posible resultado do teu vídeo

Tips docentes

Os tips do profesorado son pequenas axudas para desenvolver a estratexia educativa de forma adecuada.

Introdución guiada: comezar cun diálogo sobre o significado de “dividir” en matemáticas e bioloxía, para activar curiosidade.
Observación activa: empregar pausas durante o H5P para comentar imaxes e animacións en grupo, formulando preguntas abertas.
Aprendizaxe cooperativa: formar pequenos grupos para crear un mapa visual da mitose ou dramatizar as fases celulares.
Integración interdisciplinar: vincular o tema coa xenética (repartición do ADN) e co crecemento dos seres vivos.
Avaliación formativa: usar rúbricas sinxelas para valorar comprensión conceptual, uso da terminoloxía e participación nas actividades.
Proxecto final: orientar o alumnado na planificación da animación ou maqueta, fomentando a creatividade e a expresión científica.

Material compartido

anual de uso. Construíndo o noso propio material cos nosos recursos.
Cromososmas (Arquivos SVG).
Caixa de pezas (Arquivos SVG)
Estructuras celulares (Arquivos SVG)
Histonas (Arquivos STL)
Multiplícate ou divídete. Mitose (Arquivo H5P galego)
Multiplícate o divídete. Mitosis (Archivo h5P castellano)