Nesta experiencia descubriremos os efectos da presión atmosférica e da combustión do lume. Observaremos como ao cocer un ovo, este cambia a súa forma e estrutura, volvéndose máis flexible. 

Imaxe

Cesta de materiais

Preme nos puntos interactivos da imaxe.

Mans á obra

Paso 1

•  Coce un ovo durante doce minutos aproximadamente.

 Paso 2

• Sácalle a casca con coidado de non rompelo. 

Paso 3

• Acende os dous mistos (con axuda dunha persoa adulta) e méteos rapidamente na botella, intentando que non se apaguen.

Imaxe

.

 

Paso 4

• Coloca o ovo enriba do bico da botella, coidando que non quede ningún oquiño.

Paso 5

• Observa como inmediatamente a chama dos mistos se apaga pola falta de osíxeno e comeza a desprender fume e outros gases.

Imaxe

 

Paso 6

• Observa como o ovo comeza a moverse e introducirse suavemente na botella.

Imaxe

 

Paso 7

•  Neste momento as presións entran en xogo. Ao consumirse o osíxeno, diminúe a presión do interior da botella. 
• A presión atmosférica de fóra é maior e puxa do ovo cara a dentro para intentar nivelar as presións.
• Fíxate no ovo. Grazas a súa estrutura flexible, adquirida durante a cocción, modifica a súa forma e entra facilmente na botella sen romper.

 

 

 

Tips docentes

Os tips do profesorado son pequenas axudas para desenvolver a estratexia educativa de forma adecuada.

 Tips de preparación :

• Con respecto aos materiais, hai que ter en conta que a botella ou bote ten que ser de cristal, algo grande para conter bastante osíxeno, pero co bico estreito, non máis grande que o diámetro dun ovo. 
•  Antes de comezar o experimento, comproba que o ovo encaixa ben no bico da botella e non deixa ocos.
•  É mellor empregar mistos. A chama dunha candea consome máis rápido o osíxeno e ás veces non dá tempo a poñer o ovo enriba.

 Tips para o momento do experimento: 

• Preguntaremos ao alumando se dentro da botella hai aire. Reflexionaremos sobre a idea de que o aire está en todas partes. Non se pode ver, pero está. Incluso podemos facer unha proba para demostralo. Collemos unha botella de plástico e unha boliña de papel de aluminio. Colocamos a botella en horizontal e a bóla no bico da botella. Sopramos para meter a bóla dentro da botella e observamos como sempre cae para fóra. Deste xeito facémoslle ver ao alumnado que ao soprar, metemos aire na botella e como non ten máis sitio, o aire que está dentro empuxa a bóla cara a fóra. 
•  Posteriormente, explicarémoslle que o lume soamente prende se hai osíxeno e cando se esgota, apágase. Prendemos un misto e observaremos como arde. Colocamos o misto nun prato, tapámolo e vemos como se apaga, centrando a atención do alumnado para que reflicta en que se apaga porque consumiu o osíxeno.   
•  Antes de realizar o experimento tamén observamos o ovo, tocámolo suavemente para ver como ao cocelo modifica a súa estrutura e se volve compacto e gomoso.
•  Comezamos o experimento. Ao poñer o ovo enriba do bico da botella centramos a atención dos nenos e nenas para que observen como se escorrega lenta e suavemente polo bico ata que entra na botella, explicándolle o efecto da presión atmosférica.  
• Probamos a darlle a volta á botella para comprobar se se dá sacado o ovo, incluso intentámolo sacar cos dedos, e veremos que non somos capaces.        

A túa clase nun clic

Implementa esta microsecuencia na túa aula Moodle. (Descarga dispoñible en galego ou castelán).

Imaxe

Imaxe