Nesta experiencia exploraremos o poder desoxidante da vitamina C ou ácido ascórbico, empregando unha solución iodada como o Betadine. Observaremos como cando a vitamina C entra en contacto co iodo se produce unha reacción química.

Imaxe

Cesta de materiais

Preme nos puntos interactivos da imaxe.

Mans á obra

Paso 1

• Colle os dous vasos e éncheos con auga a 1/3 da súa medida. Espreme a metade do limón e engádello á auga dun vaso. No outro, engade unhas 20 pingas de iodo e observa como se tingue a auga. Canto máis iodo se bote, máis escurece a auga.

 Paso 2

• Coloca un pincel en cada vaso e colle a cartolina.

Imaxe

Paso 3

•  Molla o pincel na solución iodada e pinta toda a cartolina.

Imaxe

 

Paso 4

•  Posteriormente molla o outro pincel na solución da auga con limón. Con moito coidado pasa o pincel por riba do papel coa solución iodada e observa como se produce a reacción química comezando a desaparecer o color azulado do papel.

 

Tips docentes

Os tips do profesorado son pequenas axudas para desenvolver a estratexia educativa de forma adecuada.

     Antes de comezar coa experiencia explicaremos que a vitamina C ou ácido ascórbico dos cítricos é moi importante para o noso organismo, xa que contribúe ao seu desenvolvemento e crecemento, axudando a que as células se manteñan sas e retrasa o envellecemento.

  No paso 3, antes de pintar o papel, preguntaremos ao alumnado de que cor cren que se vai poñer ao pasarlle a solución por riba. Fixamos a súa atención na coloración que vai adquirindo, observando que é azulado en vez da cor do líquido (isto ocorre pola interacción da luz). O iodo contén unha substancia oxidante, e esta reacción simula o envellecemento das células do noso organismo. 

  No paso 4, antes de pasar o pincel, preguntaremos que cren que ocorrerá ao pasar a solución de auga e limón por riba da solución de iodo. Centraremos a atención do alumnado en observar como ao pasar o pincel, a coloración azulada vai desaparecendo. Iso significa que a vitamina C do limón contrarresta a oxidación, o mesmo que fai no noso organismo. Neste momento é no que se produce unha reacción de oxidacción-reacción.

A túa clase nun clic

Implementa esta microsecuencia na túa aula Moodle (Descarga dispoñible en galego ou castelán).

Imaxe

Imaxe