Nesta experiencia estudaremos unha das propiedades máis características da auga, como é o feito de que aumenta de volume ao conxelar, e aplicarémolo ao entendemento do incremento do nivel do mar a causa do quecemento global.

Imaxe

 

Cesta de materiais

Preme nos puntos interactivos da imaxe.

Mans á obra

Paso 1

 

Inicialmente, estudarase que lle ocorre á auga ó conxelar. Para iso:

• Énchese por completo o recipiente de plástico con auga da billa (tamén se pode empregar auga mineral) e péchase.

• Introdúcese no conxelador durante 12 horas (a poder ser, no interior dunha bandexa de plástico).
• Pasado ese tempo, retírase do conxelador e obsérvase o resultado.

 Paso 2

 

Posteriormente, estudarase que ocorre cando se derrete o xeo continental e o xeo oceánico por mor do quecemento global. Para iso:

• Énchese de auga a bandexa de xeo e introdúcese no conxelador.

Paso 3

 

• Colócase un pouco de plastilina nun extremo do recipiente de vidro (tamén pode ser de plástico, sempre que sexa transparente), simulando un litoral. Ha de quedar de xeito semellante a como se amosa na imaxe:

Imaxe

Paso 4

 

• Engádese auga ata un certo nivel, e márcase cun rotulador ou cun papel.
• A continuación, colócanse sobre a plastilina tres pedras de xeo, tápase o recipiente (pódese empregar unha tapa ou papel film) e déixase en repouso ata que remate de fundir o xeo.
• Rexístrase o nivel da auga.

Imaxe

 

Imaxe

Paso 5

 

• Repítese o proceso, pero, neste caso, as pedras de xeo colócanse directamente na auga, non sobre a plastilina.

Imaxe

Paso 6

 

• Analízanse os resultados obtidos

Tips docentes

CONSELLOS TÉCNICOS E METODOLÓXICOS

Neste experimento, teranse en conta os seguintes puntos:

a) Para demostrar, inicialmente, que a auga aumenta de volume ao conxelar, deberemos de utilizar un bote de vidro ou, no seu caso, de plástico. De empregar un bote de plástico, terá que ser relativamente duro para que as paredes do bote non cedan e o efecto sexa máis visual.

b) Neste punto (punto 2 do apartado 'Mans á obra'), poderémoslle pedir ao alumnado que intente anticipar o resultado do experimento. Poderemos guiar a actividade lanzando cuestións como as seguintes: por que o xeo flota na auga? Que ten isto que ver coa densidade? Por que o xeo é menos denso que a auga? Ocupará máis espazo 1 kg de xeo ou 1 kg de auga líquida?

c) No punto 5 e no punto 6, poderemos pedirlle ao alumnado que elabore unha hipótese do que ocorrerá co nivel da auga. Subirá ou permanecerá constante?

d) Se a plastilina pasa moito tempo en contacto coa auga, rematará por languidecer, deslucindo os resultados do experimento.

e) O recipiente tápase para que non se perda auga por evaporación, facendo, así, que o nivel inicial e final, no punto 6, coincida exactamente.

ANÁLISE DOS RESULTADOS OBTIDOS

Se o experimento se realiza correctamente, observarase o seguinte:

a) O frasco cheo de auga e almacenado no conxelador estoupa ou rompe debido ao incremento de tamaño do xeo con respecto á auga. É aconsellable introducir o bote cheo de auga no interior dunha bandexa, a fin de facilitar a limpeza posterior, en caso de rotura.

Imaxe

 

b) Ao derreterse o xeo incrustado na plastilina (punto 5), o nivel da auga aumenta. Isto débese a que estamos engadindo máis auga á que inicialmente medimos. É o que ocorre cando se derreten grandes masas de xeo continental, que son as que provocan o incremento do nivel do mar a consecuencia do quecemento global.

Imaxe

 

c) Cando se derrete o xeo que colocamos flotando directamente sobre a auga (punto 6), o nivel da auga non se incrementa, e, pola contra, permanece constante. Isto débese a que todo o volume que ocupa o xeo coincide, exactamente, co volume de auga líquida obtida cando o xeo se derrete por completo.

[INSERTAR IMX09]

 

A túa clase nun clic

Implementa esta microsecuencia na túa aula Moodle (Descarga dispoñible en galego ou castelán).

Imaxe

Imaxe