Nesta experiencia exploraremos o principio de flotación e a densidade dalgúns alimentos como é o caso das pasas. 

Imaxe

Cesta de materiais

Preme nos puntos interactivos da imaxe.

Mans á obra

• Analizamos o que ocorreu e comparámolo coas hipóteses anotadas.

Paso 1

• Enchemos un dos vasos con auga, deixando un dedo de espazo sen ela. 

 Paso 2

• Collemos unhas poucas pasas na man, e antes de engadilas ao vaso preguntaremos ao alumnado que cren que vai pasar ao botalas dentro da auga.

Paso 3

• Iremos anotando as hipóteses que van elaborando, para poder contrastalas posteriormente.

Paso 4

• Botamos as pasas unha a unha no vaso, e observamos como todas se precipitan pola súa densidade ao fondo.

Paso 5

• Analizamos si as hipóteses elaboradas foron acertadas.

Paso 6

• Collemos o outro vaso e colocámolo ao lado do que xa empregamos.

Paso 7

• Botamos coidadosamente a gasosa, deixando de marxe un dedo.

Paso 8

• Volvemos a preguntarlle ao alumnado que cren que vai a pasar desta vez, e anotamos as hipóteses que van xurdindo.

Paso 9

• Collemos as pasas e ímolas botando de unha en unha, centrando a atención no que lles ocorre. Unha capa de burbullas recúbreas e comezan a subir e baixar ao longo do vaso. 

Paso 10

• Analizamos o que ocorreu e comparámolo coas hipóteses anotadas.

Imaxe

Imaxe propia. Vasos con distinto líquido (CCO)

Tips docentes

Os tips do profesorado son pequenas axudas para desenvolver a estratexia educativa de forma adecuada.

 Esta experiencia podería realizarse soamente cun vaso e cunha bebida con gas, pero empregar un vaso con auga axúdanos a explicar mellor o concepto de densidade, demostrando que as pasas se funden porque son máis densas que a auga.

 As pasas é preferible que sexan pequenas, deste xeito é mais visual a "danza" que efectúan. Aínda que se pode probar a ver a diferencia de movementos entre as pasas grandes e as pequenas, sendo máis lento o movemento das pasas grandes, porque a súa densidade é maior. 

 No paso dous, para incitar á reflexión podemos facer as seguintes preguntas:

• Que credes que pasará ao botar as pasas no vaso de auga?
• Flotarán ou fundiranse?
• Haberá diferencia si as botamos todas xuntas a botalas unha a unha?

 No paso 8 podemos facerlle as seguintes preguntas:

• Que credes que pasará ao botar as pasas no vaso con gasosa?
• Haberá diferencia si as botamos todas xuntas a botalas unha a unha?
• As burbullas da gasosa afectaralle en algo ás pasas?

 No punto 9 centraremos a atención do alumnado no que ocorre. Despois de deixalos observar un rato faremos as seguintes preguntas:

• Por que credes que neste caso as pasas suben e baixan polo vaso?
• Cambiou a densidade das pasas?
• Que será o que fai subir ás pasas?
• Por que ao chegar arriba as pasas volven baixar?  

 Ao rematar de facerlle as preguntas faremos un resumo entre todos, chegando á conclusión de que aínda que as pasas sexan máis densas que o refresco, o gas que este contén pégase á pel rugosa das pasas e fainas ascender polo vaso. Ao chegar á superficie, as burbullas rebentan, liberando o gas que conteñen e facendo perder a capacidade de flotar das pasas, que volven caer ao fondo do vaso. Este proceso continúa ata que a maior parte do gas foi liberado.

A túa clase nun clic

Implementa esta microsecuencia na túa aula Moodle (Descarga dispoñible en galego ou castelán).

Imaxe

Imaxe