Nesta microsecuencia creamos poesía e axudámonos da placa Makey Makey para facela sonora. Empregamos Scratch como medio ou instrumento e debuxos para facela visual.

Imaxe

Cesta de materiais

Preme nos puntos interactivos da imaxe

Mans á obra

Paso 1

• Despois de ver exemplos de poesías e a súa estrutura, o alumnado debe desenvolver a súa propia creación empregando a tecnoloxía como medio para poder escoitalas.

 Paso 2

• Cada estudante emprega un folio e crea unha estrofa de catro versos sobre a temática proposta, neste caso, animais (mais pode ser libre). Esta estrofa escríbea no centro do folio.
• Poñemos un exemplo para que resulte máis doado.

Imaxe

Paso 3

• Para cada verso debemos crear un debuxo a lapis que simbolice ou sintetice o seu contido. Os debuxos irán en cada esquina do folio. Por exemplo, na esquina superior esquerda irá o debuxo do 1º verso, na esquina superior dereita, o do 2º verso, na esquina inferior esquerda, o do 3º verso e na esquina inferior dereita, o do 4º verso.

Imaxe

 

Paso 4

• No ordenador accedemos a Scratch. No apartado "extensións" engadirán a placa Makey Makey e conectarán a placa mediante o cable USB ao ordenador para poder cargar o programa.
• Imos ao apartado de sons que figura no panel lateral de Scratch e gravamos catro sons diferentes (un para cada verso).

 

Paso 5

• Logo, colocamos os catro cables de pinza de crocodilo desde as 4 frechas da placa a cadanseu debuxo do folio. Ademais, colocamos outro cable desde ground (terra) a un elemento condutor que pode confeccionar o propio alumnado (coma un brazalete con papel de aluminio) e que permitirá pechar o circuíto e que o son se reproduza.

Imaxe

Paso 6

Na programación faremos coincidir a frecha escollida co son correspondente (ao premer a tecla frecha arriba – reproducir son até rematar).

Imaxe

 

Paso 7

• Unha vez realizado, pódense ler as poesías, escoitalas tocando o grafito do lapis dos debuxos verso a verso (debuxo a debuxo) ou desfrutalas véndoas a través dos propios debuxos

 

 

Tips docentes

Os tips do profesorado son pequenas axudas para desenvolver a estratexia educativa de forma adecuada.

  É interesante afondar no concepto de terra e analizar que pasa se non usamos ese cable e o porqué. Para que o circuíto estea pechado cómpre usar a toma de terra e conectalo cun elemento condutor (como pode ser o brazalete de aluminio).

• No caso de non facelo estariamos ante un circuíto aberto ou conectado a un elemento non condutor, polo que non funcionaría.

 É importante traballar previamente conceptos como a condutividade e tipos de materiais segundo sexan condutores ou illantes.

  Ademais do grafito, é práctico probar con outros materiais para que o alumnado experimente, clasifique e saque conclusións sobre cales son condutores e cales non. É útil formular hipóteses con diferentes obxectos e logo experimentar e observar para sacar conclusións. 

 Resulta interesante unha vez feita a actividade fomentar que o alumnado empregue este recurso para extraer ideas para outras tarefas/traballos... como poden ser a elaboración dun conecta, e-téxtiles ou a elaboración de maquetas ou carteis interactivos.

A túa clase nun clic

Implementa esta microsecuencia na túa aula Moodle (Descarga dispoñible en galego ou castelán).

Imaxe

Imaxe