Nesta microsecuencia empregaremos un mBot para programar en mBlock o funcionamento dun robot aspirador. Isto permitiranos partir de seres da contorna (morcego-ecolocalizador) para relacionalo cun elemento de uso común (robot aspirador).

Imaxe

Cesta de materiais

Preme nos puntos interactivos da imaxe.

Mans á obra

Paso 1

• Comprender e valorar a importancia dos seres vivos para adaptar a nosa contorna ás nosas necesidades. Ver como se orientan os morcegos (ecolocalización).
• Procurar obxectos reais que empreguen sensores semellantes (robot aspirador, sensor de aparcamento de coches...).
• Propoñer o reto de crear un robot aspirador programando o mBot en mBlock mediante bloques.
• Valorar e precisar variables necesarias e levar a cabo a programación. Neste caso, empregaremos o sensor de ultrasóns para que o robot xire a unha determinada distancia dun obstáculo e así logre evitalo.

Imaxe

 Paso 2

• Cargar o programa no robot e comprobar que funciona.

Imaxe

 

Paso 3

• Posibilidade de deseñar ou reutilizar un cepillo para comprobar o correcto funcionamento e ver a funcionalidade do mesmo.

 

 

Tips docentes

Os tips do profesorado son pequenas axudas para desenvolver a estratexia educativa de forma adecuada.

 É necesario ter certas habilidades de programación mediante bloques (nesta ocasión emprégase un único sensor: o sensor de ultrasóns).

 Poderíase perfeccionar a programación e deseño consonte á finalidade agardada do robot e en función do uso que lle queiramos dar (personalización).

 Posibilidade de empregar cores e/ou sons de tal xeito que nos permita percibir dalgún xeito adicional cando o robot experimenta un cambio de acción.

 Este sensor tamén nos permite medir distancias e traballar aspectos de áreas como matemáticas, como a estimación e as medidas de lonxitude ou calcular as dimensións dun espazo para calcular áreas ou volumes.

A túa clase nun clic

Implementa esta microsecuencia na túa aula Moodle (Descarga dispoñible en galego ou castelán).

Imaxe

Imaxe