Esta é a historia do gatiño Calicó, que ata hai pouco tempo vivía moi feliz no seu barrio. Porén, a súa supervivencia empeza a estar en perigo pola gran cantidade de residuos plásticos que se empezan a acumular ao seu redor.

Queres axudar o gato Calicó? Entre todos e todas podemos contribuír a mellorar a nosa contorna e facer que animais e seres humanos vivamos nun planeta limpo e sostible.

Pensas que é posible reducir a cantidade de plástico que consumimos? Como podemos evitar que cheguen tantos residuos plásticos aos mares e océanos? Que solucións ou propostas de mellora se che ocorren fronte a este problema mundial?

Imaxe

Cesta de materiais

Preme nos puntos interactivos da imaxe.

Mans á obra

Paso 1

• Pensando en contextualizar a actividade, recoméndase visualizar algún breve vídeo previo á actividade. Existe unha gran cantidade deles en Youtube, por exemplo:

Creemos conciencia: mueren miles de animales por la contaminación

 

 Paso 2

• Proponse o Reto 1. Empregaremos la e plastilina para recrear as macromoléculas de plásticos termoplásticos, termoestables e elastómeros.
  • Consulta na Internet para coñecer a conformación química dos 3 tipos de polímeros.
  • Repártese la e plastilina ao alumnado que representará os fíos das macromoléculas con la e os enlaces entre macromoléculas con plastilina. As seguintes imaxes son un exemplo levado a cabo por unha alumna de 1º ESO.

 

RETO 1: Estuda sobre as cadeas de moléculas de termoplásticos, termoestables e elastómeros, e tenta simulalas con plastilina e la. Indica ao lado de cada molécula cal é reciclable e cal non.

Imaxe

Imaxe

 

Imaxe

 

Paso 3

 Reto 2. Representa un monómero con escarvadentes e plastilina (por exemplo o etileno) e un polímero (por exemplo o polietileno).

• Busca información na Internet e representa primeiro a lapis as moléculas do monómero e o polímero.
• Identifica os átomos (número de átomos e elementos químicos que conforman dita molécula de polímero).
• Representa cada átomo con boliñas dunha cor de plastilina definida, identificando cada elemento químico cunha cor diferente.

Identifica os enlaces de cada molécula e represéntaos cun anaco de escarvadentes. Ollo! os enlaces dobres serán representados con dobre anaco de escarvantes.

RETO 2: Fai con escarvadentes e plastilina, un monómero (etileno) e un polímero (polietileno).

Imaxe

 

 

 

 Paso 4

Proponse o Reto 3. Elixe dous plásticos e representa con escarvadentes e plastilina as súas moléculas.

O procedemento a seguir será idéntico ao do reto 2. Cada elemento químico será identificado cunha cor e serán diferenciados os diferentes tipos de enlaces. A seguinte imaxe mostra como exemplo as representacións das moléculas de PVC (Cloruro de Polivinilo) e  PP (Polipropileno) levados a cabo por un alumno de 1º ESO.

 

RETO 3: Elixe dous plásticos diferentes, debuxa e representa ambas moléculas con escarvadentes e plastilina.

Imaxe

Tips docentes

Os tips do profesorado son pequenas axudas para desenvolver a estratexia educativa de forma adecuada.

 Aconséllase facer unha breve introdución ou recordatorio aos termos: átomo, molécula, macromolécula, polimerización, enlace, elementos da táboa periódica... 

 É aconsellable definir (para todo o grupo) a cor da plastilina de cada átomo.

 É conveniente dedicar algo de tempo á investigación da composición das diferentes moléculas na Internet, e asegurarse de que o alumnado comprende a súa estrutura e sabe diferenciar perfectamente cada átomo e os enlaces que os unen, posto que de iso depende a correcta realización da actividade.

 Pensando en contextualizar a actividade, recoméndase visualizar algún breve vídeo previo á actividade.

 E finalmente, recoméndase realizar un breve debate á finalización da actividade.

A túa clase nun clic

Implementa esta microsecuencia na túa aula Moodle (Descarga dispoñible en galego ou castelán).

Imaxe

Imaxe