Nestes primeiros días de setembro, o proxecto cREagal superou a cantidade de 100 recursos educativos gratuítos abertos (REA), adaptados aos currículos galegos e que están xa a disposición do profesorado galego neste inicio de curso.
Todos estes REA, publicados no repositorio do proxecto e no EVA E-Dixgal. Ademais están estruturados en situacións de aprendizaxe que propoñen retos e proxectos concretos para o alumnado, convertendo a experiencia educativa nun proceso activo, participativo e contextualizado.
Elaboración propia (proxecto cREAgal). Fundamentos cREAgal (CC BY-NC-SA 4.0)
Educación Primaria: as 8 materias de 5º de Educación Primaria do proxecto cREagal están completamente cubertas por 44 REA que engloban todo o currículo da materia. Tamén está publicados 24 REA de 6º de EP e a previsión é que todas as materias deste último curso de Educación Primaria do proxecto cREagal estean publicadas neste mes de setembro.
Educación Secundaria: actualmente publicados REA de 6 materias de 1º de ESO e neste mes de setembro completaranse todas as materias do proxecto cREagal deste curso. En 2º de ESO publicáronse os REA de 3 materias: Matemáticas, Xeografía e Historia e Tecnoloxía e Dixitalización.
