Publicados os recursos educativos abertos (REA) do proxecto cREAgal da materia de Matemáticas de 1º de ESO. Coa publicación destes sete REA, primeiros da  área de Matemáticas, desenvólvese o currículo da materia de 1º de ESO; trátase de situacións de aprendizaxe nas que se propón un reto ao alumnado, o que permite a adquisición das competencias clave e unha aprendizaxe máis significativa.
Cada un dos sete REA vai acompañado da correspondente guía didáctica, onde se explica como aplicalo na aula e a súa relación coa programación de exemplo de PROENS.
Ademais, estes recursos están dispoñibles tamén no EVA do proxecto E-Dixgal dos centros educativos galegos.