Esta funcionalidade permite xestionar as citas de titorías solicitadas polas persoas responsables (pai, nai, titor/a, ...) do alumnado.

Este apartado de Citas de titorías consta de 3 seccións principais:

• Titorías pendentes de confirmar. As titorías pendentes son as titorías solicitadas polas persoas responsables que están pendentes de confirmación ou anulación por parte do docente.
• Titorías confirmadas. As titorías confirmadas son aquelas que foron aceptadas por parte do docente.
• Titorías anuladas. As titorías anuladas son citas que estaban pendentes de confirmar ou que xa estaban confirmadas e que, por algún motivo, foron anuladas. Esta anulación pode levala a cabo tanto o profesorado coma as persoas responsables do alumnado.

Confirmación de titorías

1. Seleccionar a titoría que se quere confirmar.
2. A persoa solicitante expón a súa preferencia (día e hora) así coma as observacións que considere.
3. Para confirmar a titoría é posible escribir unha mensaxe na zona de escritura “Motivo de aceptación/anulación” se así se desexa ou poderase deixar en branco.
4. Finalmente deberase premer o botón Confirmar. A cita quedará confirmada e pasará automaticamente á sección de Titorías confirmadas.

Anulación de titorías

1. Seleccionar a titoría que se quere anular.
2. Para anular unha titoría é obrigatorio escribir unha mensaxe na zona de escritura Motivo de aceptación/anulación.
3. Finalmente deberase premer o botón Anular. A cita quedará confirmada e pasará automaticamente á sección de Titorías anuladas.