Como se forman as cores?
Competencias
STEM1
CCEC4
Palabras Clave
Demostracións
Cores
Indagación
Habilidades
Análise de resultados
Creatividade
Experimentación
Estratexias
Rúbrica
Autoría
Miguel Quiroga Bóveda

 

Nesta microsecuencia estudaremos como se forman as distintas cores. Analizamos como a suma de cores primarias dá lugar a cores secundarias. 

M23

Cesta de materiais

Preme nos puntos interactivos da imaxe.

Mans á obra

 

Na retina do ollo é onde captamos a luz e nela atopamos unhas neuronas que permiten detectar fotóns: os bastóns e os conos. Os bastóns captan o nivel de luz, pero non achegan información sobre as cores, mentres que os conos si aportan información sobre as cores. Temos tres tipos de conos: os de tipo L, que detectan principalmente o vermello, os de tipo M, que detectan o verde, e de os tipo S, que detectan o azul. Así, por tanto, as cores que principalmente detecta o ollo son o vermello, o verde e o azul, ou RGB, polas súas siglas en inglés.

Entón, como se forman as cores coma o ciano ou o maxenta? Imos velo experimentalmente.

Paso 1
  • Coloca tres lámpadas LED programables nun soporte. Pon unha en vermello, outra en verde e outra en azul.
  • Fai que as tres apunten cara ao mesmo sitio, a poder ser, de fondo liso, afastado uns 2-3 metros.
     Paso 2
    • Apaga as luces.
    • Agora, coloca un obxecto ou mesmo a túa man diante dos focos e observa o que se ve.
    M23 Im2
      Paso 3
      • Na figura proxectada na parede pódese obter unha mestura de cores.
      • Imos analizala en detalle tendo en conta un fenómeno, a regra de adición de cores.
        • Vermello + Verde = Amarelo (Y)
        • Verde + Azul = Ciano (C)
        • Azul + Vermello = Maxenta (M) 
      M23 Imx3

       


       

      Tips docentes

      Os tips do profesorado son pequenas axudas para desenvolver a estratexia educativa de forma adecuada.

       Á hora de falar co alumnado cómpre diferenciar entre as cores primarias de luz RGB e as de pigmento CMYK, xa que o alumnado, xeralmente por influencia da materia de debuxo, asume como cores primarias sempre o espectro CMYK. Podes obter máis información nesta ligazón.

       Para proxectar as sombras usa obxectos pequenos e sólidos, como unha calculadora ou un estoxo.

       É moi divertido facer que o alumnado se poña diante dos focos e xogue a crear formas. 

       Nesta ligazón podes animar a superposición de cores.

       

      A túa clase nun clic

      Implementa esta microsecuencia na túa aula Moodle (Descarga dispoñible en galego ou castelán).

      4
      cast