Como é que funciona un altofalante? Como é que se transforma a electricidade en son? O son é algo tan común e que nos envolve tanto que moitas veces é ata descoñecido . Todo o mundo utiliza a diario sistemas de gravación e reprodución de son, pero sabemos como funcionan? Nesta microsecuencia comprenderemos estes fenómenos ao tempo que construímos un altofalante.

Imaxe

Cesta de materiais

Preme nos puntos interactivos da imaxe.

Audio, altofalante e textura madeira, Inspired images en Pixbay. Pixbay License 

Mans á obra

Paso 1

O son é un fenómeno común que todo o mundo coñece, mais sabemos realmente como se produce? Sabemos como transmitilo?

Nesta microsecuencia crearemos:

• Un teléfono, como introdución á transmisión do son.
• Un altofalante caseiro, como unha aplicación dos coñecementos adquiridos.

 Paso 2

Creamos un teléfono cunha corda e dous vasos.  

• Facemos un pequeno buraco en cada un dos vasos cunhas tesoiras.  
• Pasamos a corda por eles, unindo os dous vasos.  
• Facemos un nó en cada extremo da corda.  
• Tensamos a corda.

Paso 3

• Unha persoa colle un vaso e outra pon o outro vaso a modo de auricular.  
• Verase que cando a primeira fala, o son transmítese ata o segundo vaso.

Imaxe

Paso 4

Construímos un altofalante

•  Realiza unha espira enrolando o fío de cobre.
•  Queima os extremos do fío.
•  Coloca a espira sobre a base do vaso e pégaa con cinta adhesiva.  

Imaxe

 

Paso 5

•  Conecta a espira á fonte de son mediante o mini-jack e os crocodilos.

Imaxe

Paso 6

• Achega o imán. Aumenta gradualmente o volume e observa como os vasos de café comezan a vibrar e producir son.  

Tips docentes

Os tips do profesorado son pequenas axudas para desenvolver a estratexia educativa de forma adecuada.

 Teléfono con vasos.    

• Cómpre ter coidado de que ao "facer a chamada" a corda estea tensa.  
• Utilizar vasos que non sexan demasiado ríxidos, os de café para levar dan moi bo resultado.   

 Altofalante.    

• É de vital importancia que o fío de cobre estea esmaltado. De non ser así, non se formará a espira como tal e, polo tanto, non funcionará.
• Dependendo do mini-jack que se utilice pódense atopar varios cables ao pelalo, facer probas coas conexións xa que se hai máis de dous cables, un será de micro ou datos.  

 Funcionamento  

•  Vasos . Ao falarlle ao vaso, este xera una vibración que se propaga pola corda até o outro vaso, que recibe dita vibración e a repite no vaso, xerando o son.  
• Altofalante. 
  • O son transmítese como unha corrente eléctrica variable a través dos cables do jack que se conecta á fonte de son. Isto pódese comprobar conectándoo a un multímetro. Observarase entón como se le unha corrente continua que varía ao ritmo da música.
  •  Dita corrente continua viaxa polo cable ata a espira. Unha espira condutora obedece a lei de Biot e Savart, polo que xerará un campo magnético da forma:

   B=μ0I2R  

• O campo magnético será, xa que logo, dependente da intensidade que recibe a espira, que como dixemos antes vén ao ritmo da música. Por todo isto, o campo magnético xerado pola espira, irá tamén ao ritmo da música.  
• Finalmente, existirá unha forza magnética entre o campo magnético creado pola espira e o campo magnético do imán, que irá ao ritmo da música, facendo vibrar o vaso e, polo tanto, facendo son.

A túa clase nun clic

Implementa esta microsecuencia na túa aula Moodle. (Descarga dispoñible en galego ou castelán).

Imaxe

Imaxe

​