A mestra de música do colexio explicounos que o son comeza cando un corpo vibra e que produce unhas ondas que se propagan polo aire ou pola auga. Investigamos as vibracións en distintos instrumentos de aire, pulsados, de membrana, etc. e puidemos comprobar os distintos tons e frecuencias. E entón xurdiunos a seguinte pregunta: por que non somos quen de ver esas ondas sonoras que se propagan polo aire? Así empezou a nosa investigación co obxectivo claro de poder ver o son; e para isto decidimos empregar a luz. 

Imaxe

Cesta de materiais

Preme nos puntos interactivos da imaxe.

Mans á obra

Paso 1

• Recortamos coas tesoiras o fondo do recipiente de plástico.  

  

Recipiente sen fondo

 Paso 2

• Unímolo ao listón de madeira para que non se mova e empregamos uns tacos de madeira para que quede mellor suxeito.

Imaxe

Paso 3

•  No fondo do recipiente poñemos o globo previamente cortado, que podemos suxeitar cunha goma, e pegámoslle o anaco de espello con cinta adhesiva.  

Imaxe

Paso 4

• No outro extremo do listón, amarramos a lanterna láser empregando unha brida para que quede máis suxeita. E xa temos preparado o que lle chamamos “propulsor de son e luz”. 

Imaxe

Paso 5

• Toca probar o propulsor e para isto acendemos a lanterna. O láser refléxase no espello e a luz proxéctase na parede.     

Imaxe

Paso 6

• Comprobamos que cando falamos ou emitimos un son dentro do recipiente de plástico, a luz reflexada cambia de forma. Deste xeito “vemos” que as ondas viaxan polo aire e fan mover o láser. 

Imaxe

   

Tips docentes

Os tips do profesorado son pequenas axudas para desenvolver a estratexia educativa de forma adecuada.

•  Comprobamos que temos que meter un papel debaixo do láser para mellorar o ángulo e centrar a luz no espello.
•  Vimos que canto máis pequeno sexa o globo e menos cinta adhesiva lle poñamos, máis vibra o globo, xa que pesa menos. Deste xeito, vense mellor os movementos no reflexo.
•  É mellor facer o experimento coa luz apagada e de pé. Canto máis horizontal estea o listón, mellor sae a experiencia. Démonos conta de que o son, ao igual que a luz, viaxa en liña recta.
•  Formulamos hipóteses de como podiamos ver as ondas sonoras viaxar no aire: con fume, con algo de néboa... Chegamos á conclusión de que as ondas sonoras non se ven no aire, pero si somos quen de ver os seus efectos. En consecuencia, vemos o son na vibración da luz. 

Imaxe

A túa clase nun clic

​

 Implementa esta microsecuencia na túa aula Moodle (Descarga dispoñible en galego ou castelán).

Imaxe

Imaxe