Sabemos que non é posible escoitar a grandes xenios da historia contar a súa propia vida pero, e se puideramos acercarnos a esa sensación? Mediante un toque de creatividade e o uso da intelixencia artificial, poderemos crear hologramas de grandes personaxes da historia para que nos conten a súa biografía!

Imaxe

Cesta de materiais

Preme nos puntos interactivos da imaxe.

Mans á obra

Paso 1

 

Preparando o material:  a personaxe, a súa imaxe e a súa autobiografía

Antes de empezar a gravación do son e a preparación e montaxe do vídeo, debes ter listos os seguintes arquivos:

- Unha pequena biografía da ou do personaxe da historia sobre quen vas facer o holograma, escrita en 1ª persoa.
- Unha imaxe desa persoa.

 

 Paso 2

 

Audio da autobiografía

• Gravar o audio da autobiografía con Audacity. 

Audacity é un programa moi intuitivo. Unha vez aberto o programa, simplemente pulsando o punto vermello gravarase o audio. No caso de que fose necesario, se cometes algún erro, pódese editar o audio, aínda que o aconsellable é que se intente facer unha gravación nunha sola toma!

 

Imaxe

 

• Exportar en MP3 e gardar o arquivo sonoro.

Unha vez realizada a gravación, expórtase o arquivo en MP3 e gárdase ben identificado para usalo posteriormente.

 

Imaxe

Paso 3

 

Xerar o vídeo coa axuda da intelixencia artificial.

• Abrir Canva, iniciar sesión e crear vídeo.

Imaxe

 

• Facer clic en Apps e elixir D-ID. Tamén se pode facer directamente desde a propia páxina: https://www.d-id.com/

Imaxe

 

• Subir o arquivo de imaxe da ou do personaxe da historia, o audio e xerar o vídeo.

Imaxe

Paso 4

 

Editar o vídeo para o holograma.

• Axustar a medida do vídeo e cambiar o fondo a negro.

Imaxe

 

• Duplicar 3 veces e colocar tal como se indica na imaxe.

Imaxe

Imaxe

 

• Eliminar o son en 3 dos vídeos.

Imaxe

 

• Exportar en MP4.

Imaxe

Paso 5

 

Elaborar a pirámide holográfica.

• Recortar as 4 caras da pirámide en acetato e pegalas con cinta adhesiva.

Imaxe

Paso 6

 

Darlle ao play e gozar do resultado!

• Colocar a parte máis estreita da pirámide de acetato sobre o dispositivo procurando que quede no centro do vídeo, darlle ao play e gozar do resultado!

 

Tips docentes

Os tips do profesorado son pequenas axudas para desenvolver a estratexia educativa de forma adecuada.

Tal como se indicou no apartado mans á obra, para levar a cabo esta microsecuencia nunha soa sesión, é necesario ter listo, ao inicio da mesma, o texto autobiográfico e a imaxe que se vai usar. A persoa docente pode preparar o material previamente para proporcionárllelo a cada equipo ou dedicar unha ou dúas sesións previas co fin de que o propio alumnado prepare o seu material. Deste xeito, a aprendizaxe será moito máis profunda e desenvolverán máis competencias ca se se lles proporciona feito. Isto dependerá tamén da súa idade, habilidades e obxectivos pedagóxicos.

   É importante que a imaxe que vaiamos usar sexa de uso libre. Para isto, podemos empregar plataformas de banco de imaxes ou incluso xeneralas con intelixencia artificial. Freepik é unha boa opción tanto para descargar unha imaxe como para xerala. É interesante ter en conta que dándolle ao alumnado a oportunidade de utilizar estas ferramentas, xérase conciencia sobre a propiedade intelectual, ao tempo que desenvolven a súa creatividade e gusto estético.

Imaxe

   O audio de voz pode enriquecerse engadindo algunha música de fondo. Simplemente engadindo unha pista ao proxecto de audacity. É importante ter en conta os dereitos de propiedade intelectual da música elixida. Unha boa opción pode ser Fiftysounds.com

   No exemplo que se comparte, elixiuse a Nannerl Mozart, compositora e intérprete que, a pesar de ter tanto talento como o seu irmán Wolfgang Amadeus Mozart, é descoñecida para a maior parte do público ao igual que tantas outras mulleres ao longo da historia.

A túa clase nun clic

Implementa esta microsecuencia na túa aula Moodle (Descarga dispoñible en galego ou castelán).

Imaxe

Imaxe