Nesta experiencia exploraremos a beleza da ciencia. A partir dun globo de auga conxelada, aprenderemos sobre a química da auga e os cambios de estado.

Imaxe

Cesta de materiais

Preme nos puntos interactivos da imaxe.

Mans á obra

Paso 1

 

• Enchemos coidadosamente o globo con auga da billa.

• Cando o globo alcance os 20 cm de diámetro aproximadamente, retírao da billa, espreme o aire da parte superior e átao facendo un nó.

 Paso 2

 

• Observa o outro globo de xeo ao que non lle botaches sal. Como ten a súa superficie? Desconxelouse máis ou menos que o globo de xeo con sal?

Imaxe

Paso 3

 

• Introduce os dous globos no conxelador e déixaos conxelar durante polo menos un día.  Se empregas un conxelador pequeno ou antigo, os globos de 20cm precisarán dunhas 48 horas.

• Retira os globos do conxelador e colócaos nunha bandexa. Corta o nó e pela os globos do xeo.

Paso 4

 

• Observa de preto os globos de xeo pelados na bandexa (globo 1 e globo 2).

• Podes usar a lupa e tamén unha lanterna (pode ser a do teu móbil). Que é o que ves?

• Esparexe unha culleriña de sal sobre o globo 1.

Paso 5

 

• Espera uns minutos.

• Observa como se forma auga líquida ao redor do sal, identifica os patróns serpeantes a medida que baixan polo globo.

• Propón algunha hipótese acerca deste fenómeno.

Paso 6

 

• Engade unhas pingas de colorante alimenticio no sal para que os patróns serpeantes se vexan mellor no xeo.

Imaxe

 

Paso 7

 

• Observa o outro globo de xeo ao que non lle botaches sal. Como ten a súa superficie? Desconxelouse máis ou menos que o globo de xeo con sal?

Imaxe

 

Tips docentes

Os tips do profesorado son pequenas axudas para desenvolver a estratexia educativa de forma adecuada.

 No punto 2 do apartado mans á obra. Propoñemos ao alumnado encher dous globos de xeo e non só un. Isto débese a que toda experiencia científica precisa dunha mostra “branco” que non se verá afectada pola variable a estudar. No noso caso, a adición de sal. Podemos preguntar

• Por que credes que utilizamos dúas mostras (globos)?
• Que variables imos ter en conta neste experimento?

 No punto 4 faremos que o alumnado observe con atención. Estamos a potenciar a habilidade de “Observar” e iso require tempo. Imos darllo.

 Ante a pregunta xeral, “que é o que ves?”, podemos ir axudando a guiar a resposta do alumnado, realizando outras preguntas:

• Que ves na superficie? Prodúcese carazo (unha capa fina de cristais de xeo)?
• Que ves no interior? Agullas, burbullas?
• Que cor ten o centro do globo?

  Imaxe

  

  Permitiremos ao alumnado observar con atención, describir o que está a observar. Seguramente preguntarán por que ocorre o fenómeno. É hora de explicar o que observan. Dar unha explicación previa á observación do fenómeno non permite ao alumnado quedar con todos os conceptos. Pola contra, unha explicación posterior, axúdalles a fixar un concepto tras experimentar co fenómeno “carazo na superficie”.

 No punto 5, tras engadir sal ao globo 1, preguntarémoslle que está a ocorrer, por que se producen patróns serpeantes. O alumnado irá propoñendo as súas hipóteses. Non rexeitarmos ningunha hipótese, por aloucada que sexa. As hipóteses están para ser rebatidas cos resultados.

 Tras engadir o colorante alimentario ao globo 1, podemos comparar o estado deste globo co globo 2. A continuación, lanzamos preguntas como:

• Atópanse no mesmo estado os dous globos?
• Cal dos dous se derrete antes?

Estas preguntas axudarán ao alumnado a valorar os resultados da nosa experiencia e a avaliar se a súa hipótese é correcta ou non. Mesmo podemos propoñer a pregunta do título da experiencia: “Por que usamos sal para evitar esvarar no xeo?”. Así, daremos sentido ao fenómeno exposto, xa que se pode trasladar á experiencia do alumnado fóra da aula.

Neste vídeo que mostra a evolución do globo de xeo poderás ver as seis horas de experimentación recollidas nun time lapse de 15 segundos.

A túa clase nun clic

Implementa esta microsecuencia na túa aula Moodle (Descarga dispoñible en galego ou castelán).

Imaxe

Imaxe