Ademais do acceso aos distintos apartados e tipos de contidos que poden ser consultados en modo anónimo, o profesorado, os centros educativos e as familias tamén poderán acceder aos espazos autenticados con funcionalidades específicas para cada colectivo:
- espazo Familias
- espazo Centros
- espazo Profesorado
Para isto, será necesario que se identifiquen e desta maneira entrarán no seu propio perfil e poderán acceder a todas as funcionalidades específicas que precisan identificación de usuario. Para acceder a calquera dos espazos, seleccione na pantalla de inicio o apartado de “Acceso aos servizos”.
Unha vez se accede ao apartado “Acceso aos servizos” é preciso autenticarse no sistema para poder acceder ás funcionalidades existentes.
O acceso aos servizos autenticados do portal realízase mediante un sistema de autenticación no que todas as persoas usuarias deben dispoñer dos datos identificativos de algún dos seguintes métodos de autenticación:
- Usuario/a de Educación
- Dispoñer da Chave 365
- Usuario/a de Xunta
- Dispoñer dun Certificado dixital.
Despois de identificarse, en función do perfil e das características de cada persoa usuaria, o portal mostrará o acceso a aqueles espazos aos que ten acceso, que poden ser un ou varios espazos.
Os espazos aos que ten acceso cada usuario/a dependen do seu perfil: director/a dun centro educativo, profesor/a dunha materia, pai/nai/titor legal dun alumno/a.