Que é o que fai que un alimento sexa de calidade ou non? Hai moitos parámetros que podemos avaliar para determinar se un alimento é mellor ca outro, coma o sabor, a procedencia, a composición... pero neste caso ímonos centrar unicamente nun deles, a presencia de amidón. O amidón é un carbohidrato que se atopa en moitos alimentos e é a substancia que utilizan as plantas para almacenar o seu alimento. Porén, este non debería atoparse en produtos cárnicos como salchichas ou friame. O amidón é obtido principalmente da pataca e engádese a alimentos cárnicos para abaratar custos, diminuíndo a calidade destes. Vexamos nesta microsecuencia como detectar se un alimento é de calidade ou non mediante a presenza ou ausencia de amidón.

Imaxe

Cesta de materiais

Preme nos puntos interactivos da imaxe.

Mans á obra

Paso 1

• Cortar unha pequena cantidade do alimento a analizar.
• Diluír con auga a povidona iodada, aproximadamente a mesma cantidade de auga que de povidona iodada nun vaso limpo, que utilizaremos como disolución reveladora.

 Paso 2

• Colocar o alimento nunha superficie plana.
• Engadir cunha pipeta Pasteur ou coa culler unhas pingas da disolución reveladora.
• En caso de que o alimento teña amidón, a disolución cambiará de marrón a azul escuro.

Imaxe

Paso 3

• Elabora unha táboa como a que segue

 

Táboa de recollida de datos

Experiencia	Alimento	Cor tras o revelado	Debería ter amidón?	Ten amidón?
1
2
3

 

 

Tips docentes

Os tips do profesorado son pequenas axudas para desenvolver a estratexia educativa de forma adecuada.

  Para que saia do mellor xeito posible, convén empregar alimentos de mala calidade, xa que teñen moito amidón. Canto máis baratas sexan as salchichas, o xamón cocido e demais, máis amidón terán.

  A povidona iodada pódese atopar en calquera farmacia ou supermercado.  

  Pódese facer unha demostración na aula botando a povidona nun pouco de pan, verase rapidamente o cambio de cor. Por outro lado, se se mastiga antes o pan e se bota nun papel e posteriormente se lle bota a povidona, non se verá cambio de cor, xa que a saliva desfará o amidón. A saliva contén unha enzima que rompe o amidón e o transforma en monosacáridos ou disacáridos de glucosa. Polo tanto, ao non existir amidón, a povidona non modifica a súa cor.  

  Non é malo como tal que un alimento conteña amidón. Con todo, se compramos unha salchicha ou calquera derivado cárnico, esperamos inxerir elevadas cantidades de proteína, non de carbohidratos.

  É recomendable protexer a roupa xa que a povidona iodada mancha moito.

A túa clase nun clic

Implementa esta microsecuencia na túa aula Moodle (Descarga dispoñible en galego ou castelán).

Imaxe

Imaxe