Esta microsecuencia vaite converter en programador de apps . Con App Inventor crearás unha calculadora para instalar no teu móbil ou tablet.

Se consegues chegar até o final, a túa app Pitagorator darache o valor da hipotenusa dun triángulo rectángulo se lle introduces as medidas dos catetos.

Imaxe

Cesta de materiais

Preme nos puntos interactivos da imaxe.

Mans á obra

Paso 1

• Abre un navegador de internet e entra na páxina de App Inventor a través da seguinte ligazón: http://code.appinventor.mit.edu

 Paso 2

• Debes seleccionar o teu modo de acceso como usuario anónimo. A primeira vez, deberás seleccionar a opción “Continue Without An Account”

Imaxe

Paso 3

• MOI IMPORTANTE!!: Anota o código, ou fai captura da xanela que se abre a continuación. Ese código de usuario anónimo, é o que che vai a permitir volver acceder posteriromente aos proxectos que crees asociados a el.

Imaxe

Paso 4

• A continución, podería aparecer algunha xanela de publicidade interna, simplemente continuamos:

Imaxe

Paso 5

• Iniciamos un novo proxecto:

Imaxe

 

Paso 6

• Pomos título ao proxecto:Imaxe propia. Captura de pantalla AppInventor (CCO)

Imaxe

 

Paso 7

• Cambiamos o idioma a Español (App Inventor non ofrece a posibilidade de Galego)

Imaxe

Paso 8.1

• Iniciamos proxecto PITAGORATOR. Alternaremos entre estes dous modos de edición:

  Imaxe

  

No modo Deseñador, desde a Interfaz de usuario, introducimos os campos da app, arrastrándoos sobre a pantalla do teléfono que vemos debuxado.

Imaxe

 Nesta táboa aparecen, na orde de colocación en pantalla, cada un dos campos e as modificacións básicas que debemos facer nas súas correspondentes propiedades:

Imaxe

A xanela da aplicación, segundo imos agregando campos, ten esta apariencia:

Imaxe

O resultado, despois de de ter realizado todas as instrucións de configuración especificadas na táboa, debe ser o seguinte:

Imaxe

Agora, ti podes personalizar a túa App, variando, ou ben nas propiedades da pantalla ou nas dos compoñentes aqueles parámetros que consideres, cores, tamaños de letra etc .

Paso 8.2

Desde o modo Bloques, debemos programar os compoñentes para que a nosa App calcule a hipotenusa unha vez introducidos os valores dos catetos.

Imaxe

 

Paso 9.1

• Proba  e instalación de Pitagorator. Imos facelo en dúas fases, empregando estes dous menús:

Imaxe

 

Proba e depuración de erros.

Nesta fase, antes de instalar podemos comprobar que nosa App Pitagorator funciona correctamente, procedendo á depuración de erros. No caso de que este proceso se complicase, dando erros de execución, podemos saltar ao paso 9.2).

Para realizar a depuración de erros, temos estas tres alternativas, que atoparemos no menú Conectar:

Imaxe

• AI Companion: Só se pode levar a cabo se o computador e o móbil están conectadas á mesma rede Wifi (pode resolverse conectándoos simultaneamente a través dunha wifi compartida a través doutro móbil)

 Paso 1: A aplicación xera una código QR no computador.

Imaxe

 Paso 2: Abrimos a aplicación App Inventor no noso dispositivo móbil e escollemos unha das dúas opcións para conectar coa app deseñada no computador (imaxe esquerda). Á dereita vemos a app de proba unha vez realizada a conexión co móbil:

Imaxe	Imaxe
Imaxe propia. Xerando versión de proba Pitagorator (CCO)

 

• O emulador está incorporado á aplicación coa que creamos os proxectos, aínda que pode dar problemas de execución, por estar bloqueado por firewalls ou antivirus.
• A opción de conexión dos dispositivos a través de cable USB require unha instalación previa dunha aplicación de configuración de App Inventor no computador.

Paso 9.2

Xeración e instalación da App

O proceso de depuración permítenos resolver problemas e facer melloras. Pódese repetir as veces que sexa necesario. Unha vez que consigas que a App funcione e teña a aparencia ao teu gusto, poderás instalala no teu teléfono ou tablet.

Paso 1: Desde o menú Generar, selecciona esta opción:

Imaxe

Paso 2: Podes descargar o arquivo no teu computador para compartilo no móbil ou descargalo directamente no teu móbil, a través dun código QR (ambos terán validez durante 2 horas, desde o mom,eto en que se xeran) :

Imaxe

REMATAMOS COA PROPOSTA DUN RETO!

Agora que xa coñeces o segredo para desenvolver apps con App Inventor…

Atréveste a mellorar o teu Pitagorator?

Trátase de completar a app para que a nova versión tamén poda calcular un cateto a partir dos valores da hipotenusa e do outro cateto.

Tes un exemplo na imaxe coa que introduciamos a microsecuencia. Trátase dunha app con tres pantallas: a inicial, para seleccionar se o lado do triángulo que queremos calcular é un cateto ou a hipotenusa, e as respectivas pantallas para introducir os dous lados coñecidos e solicitar o cálculo do terceiro. Ámbolos casos, inclúen o botón de retorno á pantalla de inicio.

 

Tips docentes

Os tips do profesorado son pequenas axudas para desenvolver a estratexia educativa de forma adecuada.

 Esta práctica pódese levar á aula en calquera nivel da ESO: Pola súa simplicidade na programación, é máis adecuado para 1º ou 2º de ESO, pero tamén se pode desenvolver en cursos superiores para alumnado con nivel de iniciación á programación.

 A aplicación online App Inventor permite o seu uso sen precisar rexistro, a través dun código. O acceso posterior a proxectos anteriores so vai ser posible cando se tomou a precaución de gardar o código de acceso que se xera no momento de crear o proxecto na aplicación.

 App Inventor ofrece unha “Guía para mestres” na ligazón: http://appinventor.mit.edu/explore/hour-of-code/teach 

  MOI IMPORTANTE:

Unha vez rematado o deseño e desenvolvemento da app, e antes de proceder á súa descarga e instalación, adóitase realizar a fase de depuración de erros. Esta operación é moi sinxela, pero pode chegar a complicarse de non terse en conta previamente esta información. Tal como se indica no paso 9.2, en App Inventor existen tres alternativas:

-  O emulador, co cal é posible simular dunha forma rápida a execución das apps creadas coa aplicación. O problema é que podería dar erros de execución, xa que os antivirus poden bloquealo. O docente pode realizar unha comprobación previa á realización da microsecuencia, por si fose preciso descartar esta opción.

As outras alternativas son máis complexas para levar a cabo desde las aulas, posto que:

- Conectar o ordenador a un dispositivo móvil a través de un código QR require que o móvil e o ordenador estean conectados á mesma rede wifi. Unha solución podería ser conectalos simultaneamente a unha wifi compartida, simplemente durante o tempo que dure a fase de depuración.

- La terceira alternativa, consiste en realizar a conexión entre dispositivos a través dun cable USB. O problema é que para isto, nos computadores debería instalarse previamente unha aplicación de configuración que se facilita desde a web de App Inventor. Evidentemente, isto resultaría pouco ou nada operativo (imposible en caso de ordenadores Edixgal)

EN CONCLUSIÓN: Se facendo unha proba previa, no funcionase o emulador, pódese saltar a fase de depuración e proceder á descarga, instalación e execución nos dispositivos móbiles do arquivo .apk que se xera desde o computador. En caso de que non funcionase correctamente, ou que se quixeran realizar melloras, pódese modificar e descargar cantas veces sexa preciso.

A túa clase nun clic

Implementa esta microsecuencia na túa aula Moodle (Descarga dispoñible en galego ou castelán).

Imaxe

Imaxe