O persoal de cociña do colexio cambiou o luns a sobremesa do xantar. O arroz que coceran para o arroz con leite púxose de “cor verde” porque esqueceron gardalo na neveira. Nós, os nenos e as nenas, tiñamos a sospeita de que, en realidade, querían que comésemos froita porque... como se vai poñer o arroz de cor verdosa? Decidimos facer na clase o experimento para comprobar a veracidade tanto do que nos dixo o persoal de cociña, como das fotos que vimos polas redes. Queríamos saber se realmente se pon desa cor o arroz, e en caso de que así for, pescudar o porqué. 

Imaxe

Cesta de materiais

Preme nos puntos interactivos da imaxe.

Mans á obra

Paso 1

• Vertemos no cazo a auga e poñémolo ao lume. Levamos a auga a ebulición.

 Paso 2

• Cando ferva a auga introducimos o arroz, remexemos e deixámolo cocer uns 15 minutos. ( O paso 1 e 2 poderiamos saltalos se empregamos arroz cocido previamente). 

Imaxe

Paso 3

• Distribuímos o arroz nos dous recipientes de plástico e pechámolos coa tapa. Deixamos un deles a temperatura ambiente nun dos andeis da clase e pedimos na cociña que nos metan o outro recipiente na neveira.

Paso 4

• Toca agardar e ir observando cada dous días que sucede tanto co arroz da clase coma co da neveira.

Imaxe

 

 

Tips docentes

Os tips do profesorado son pequenas axudas para desenvolver a estratexia educativa de forma adecuada.

 Comprobamos que temos que deixar arrefriar un pouco o arroz antes de metelo na neveira ou no recipiente, pois, do contrario, énchese de auga.

  A observación é mellor facela cada dous ou tres días xa que diariamente non se ve a evolución do mofo.

 Anotamos os cambios que se van produción no arroz ao longo dos días: fixándonos na cor, na temperatura da clase e da neveira, e na humidade do recipiente. 

 Formulamos hipóteses de por que saen eses mofos no arroz: é humidade como a que sae nas paredes? son mofos como lle pasa ao queixo? o mofo crece mellor con temperatura máis alta e con humidade no recipiente? o mofo “come” o arroz?,... 

A túa clase nun clic

Implementa esta microsecuencia na túa aula Moodle (Descarga dispoñible en galego ou castelán).

Imaxe

Imaxe