A barra do sistema

Como xa se indicou con anterioridade, nos laterais (e opcionalmente na parte inferior) de calquera pantalla do panel interactivo amósanse unhas iconas idénticas expandibles e colapsables que dan acceso á barra do sistema, que inclúe as opcións de xestión e configuración do sistema operativo Android do panel.

O acceso á barra do sistema na parte inferior do panel pode configurarse na ruta: Configuración > Persoal > Cambiar as opcións no fondo (Barra lateral inferior)

Ditas opcións aparecen agrupadas en 3 niveis orientados á xestión e administración de tarefas, xestión e administración de aplicacións e acceso ás denominadas ferramentas pequenas (utilidades que poden resultar de interese para o seu emprego nunha aula).

Barra de sistema: Xestión e administración de tarefas

Imaxe	Atrás (Volver): Permite retroceder á última interface operativa
Imaxe	Inicio (Casa): Minimiza todas as aplicacións abertas e leva á pantalla de inicio do panel
Imaxe	Entre bastidores (Backstage): Administrador de tarefas que amosa as aplicacións abertas, permitindo a súa selección ou peche.

Barra de sistema: Xestión e administración de aplicacións

Imaxe	Encerado (Pizarra): Software de pizarra dixital.
Imaxe	Explorador(Buscador): Xestor de ficheiros.
Imaxe	Navegador (Buscador): Navegador web.
Imaxe	Todas as aplicacións: Amosa todas as aplicacións instaladas no sistema.
Imaxe	Axustes (Configuración): Axustes de configuración do sistema operativo.

É posible personalizar a barra de xestión e administración de aplicacións seleccionando aquelas de uso máis común, simplemente despregando a icona de todas as aplicacións e arrastrando a nova aplicación á zona desexada.

Barra de sistema: Ferramentas (utilidades)

Imaxe	Menú: Amosa todas as fontes de entrada (Android, OPS, HDMI, VGA...) así como axustes de audio (volume), e visualización de pantalla (brillo).
Imaxe	Marcar: Permite debuxar directamente na pantalla, tomar notas sobre o contido visualizado e incluso compartir o contido coas anotacións mediante un código QR.
Imaxe	Temporizador: Conta cara atrás (descendente) dun intervalo de tempo especificado.
Imaxe	Máis (Mais): Amosa todas as ferramentas incluídas no panel.
Imaxe	Recortar (Captura): Permite realizar capturas de pantalla con opción de selección en modo libre, pantalla completa ou dunha determinada ventá. Ofrece e posibilidade de almacenamento directo ou inserción no software de encerado para a súa edición. No caso de almacenamento a imaxe gárdase nun cartafol coa data da imaxe tomada na ruta: /Notes/Mark
Imaxe	Cronómetro: Conta desde cero (ascendente) para medir o tempo transcorrido
Imaxe	AirClass (Vía aérea): Permite que o profesorado invite ao alumnado a unirse a unha dirección web con diversas posibilidades de votación, enquisa, selección, mensaxería e outras actividades. É importante suliñar que en ningún caso é preciso introducir información de carácter persoal que poda infrinxir a Lei de Protección de Datos.

Imaxe	Destacar: Permite centrar o foco de atención en zonas concretas da pantalla, coa opción de axustar a opacidade.
Imaxe	Conxelar (Xear): Permite conxelar a imaxe actual con posibilidade de zoom. Pode resultar interesante no momento de introducir contrasinais.
Imaxe	PIP: Permite visualizar simultaneamente máis dunha fonte de entrada na pantalla do panel. A modo de exemplo, a seguinte imaxe amosa o OPS acendido mentres se navega co buscador do Android.
Imaxe	Pantalla dividida: permite amosar dúas aplicacións distintas no modo pantalla dividida.
Imaxe	Bloqueo de pantalla: Permite o bloqueo da pantalla e o seu desbloqueo mediante a introdución dun contrasinal configurado en Axustes.

É posible configurar a barra de ferramentas (utilidades) seleccionando aquelas de uso máis común, personalizando un máximo de 4 utilidades máis a icona Máis que da acceso ao resto.

Na barra de ferramentas pequenas -> Facer click en "More"
Manter pulsada a icona e esperar a que apareza un signo "-" para eliminar a ferramenta
Engadir a nova ferramenta co signo "+"

Debes ter en conta que ...

As utilidades incluídas na barra de ferramentas están dispoñibles para todas as fontes de entrada do panel, non só para Android: OPS, HDMI...

A medida que se actualizan os paneis é posible que vaian aparecendo novas ferramentas dispoñibles. Ademais, dependendo da configuración do panel é posible que aparezan novas ferramentas ou desaparezan algunhas (por exemplo, se está configurado o modo multifiestra).