Ao premer en comunicacións individuais poderanse ver as comunicacións creadas, o grupo ao que pertence o alumnado, o asunto da comunciacion e a data de publicación. Para ver máis detalles da comunicación haberá que premer en Ver detalle.
Ao premer en Ver detalle ademais de ver o contido da comunicación poderase consultar se esta foi lida ou non polas persoas responsables en abalarMobil ou no espazoAbalar.
Para crear unha comunicación individual deberemos desde a pantalla inicial de Comunicacións Individuais premer en Crear comunicación.
En primeiro lugar deberase seleccionar o grupo. A continuación poderase ver o alumnado do grupo e as persoas responsables e se están suscritos ou ben á aplicación web ou ben á aplicación móbil. No caso de estar suscrito a algunha das dúas, a aplicación habilita a posibilidade de Crear comunicación.
Na seguinte pantalla deberase definir:
- Comunicación: o tema do que trata a comunicación.
- Observacións: a descrición da comunicación.
- Destinatarios: no caso de que dúas persoas responsables do/a neno/a poida recibir a información poderase seleccionar a unha das dúas persoas ou ben ás dúas.
Finalmente premer en Gardar para que quede rexistrada a comunicación e sexa enviada ás persoas destinatarias.