O repositorio de fotos de Agueiro permite ás persoas usuarias subir fotos e clasificalas en álbums, para os que é posible configurar diferentes dereitos de acceso.
Para acceder a este apartado, débese premer en “Máis” e, a continuación, en “Fotos”. Na páxina principal, os álbums aparecen clasificados en tres lapelas:
- Todo: álbums públicos de todas as persoas integrantes de Agueiro.
- Propio: álbums creados pola persoa usuaria.
- Contactos: álbums creados polos contactos da persoa usuaria.
Antes de subir fotos, será preciso crear o álbum onde estarán recollidas, premendo en “Engadir álbum de fotos”.
A cada álbum haberá que poñerlle un título e, ademais, poderase escribir unha introdución e tamén engadir etiquetas, do mesmo xeito que se explicou en apartados anteriores. Por último, estableceranse os permisos de acceso, dispoñendo das opcións habituais:
- Privado
- Contactos
- Usuarios conectados
- Público
Para rematar, débese premer no botón “Gardar”.
Unha vez creado o álbum, é preciso seleccionar “Subir fotos”. A continuación, abrirase unha xanela emerxente onde se pode elixir algún dos álbums xa creados ou crear un novo.
É posible subir ata cinco fotos de xeito simultáneo, podendo ser arrastradas. Unha vez elixidas, prémese no botón “Subir fotos”.
A continuación, permítese engadir un subtítulo e etiquetas para cada foto. Para rematar, prémese no botón “Gardar” que se atopa ao final da páxina.
Unha vez creado o álbum, existe a opción de facer comentarios. Para iso, escríbese na caixa inferior e prémese en “Publicar Comentario”.
Os comentarios engadidos veranse da seguinte maneira:
Sobre un álbum xa creado, os botóns da parte superior dereita permiten realizar diferentes accións:
- Subir fotos: permite engadir outras cinco fotos.
- Icona Slideshow: mostra as fotos dunha en unha en tamaño grande.
- Editar: posibilita a modificación dos parámetros iniciais (título, descrición, etiquetas, acceso).
- Icona de puntos: permite subir novas fotos, cambiar a súa orde (desde o botón “Clasificar”), denunciar ou eliminar o álbum creado.
