Como norma xeral, e sempre que as condicións técnicas o fagan posible, a conexión do equipamento da aula internet é a seguinte:

• Panel interactivo: accede a internet pola rede cableada. Recoméndase a configuración en todo o centro a configuración automática da rede (DHCP).
• Portátil de aula: accede a internet vía a conexión WiFi "Abalar". Esta conexión realízase de forma automática sempre e cando o equipo fora clonado no servidor do centro. O feito de ter dispoñible unha versión actualizada da maqueta garante que a través da WiFi "Abalar" vaise dispoñer de aplicacións actualizadas e seguras.

O portátil do alumnado, dentro do centro, accede a Internet vía a conexión WiFi "Abalar". Esta conexión realízase de forma automática, sempre e cando o equipo fora clonado no servidor do centro.

Este equipo, no caso de que o alumnado o leva para a súa casa, poderá configuralo para acceder á rede WFi ou rede cableada do seu domicilio segundo os parámetros de conexión que teña e segundo o seu proveedor de servizos de internet.

Si, para facilitar a actualización automática do equipamento e poder empregar as funcionalidades tanto do Epoptes (xestión e control da aula) coma do Samba (intercambio de arquivos entre profesorado e alumnado).

Para que estas dúas ferramentas funcionen, tanto o equipamento da aula coma o do alumnado teñen que cumprir estas condicións:

1. Estar coa mesma versión da maqueta instalada.
2. Estar conectados á rede WiFi "Abalar".