O ensino híbrido é un enfoque educativo que combina elementos do ensino tradicional co uso de tecnoloxías dixitais e os desafíos dixitais para enriquecer o proceso de aprendizaxe. É un contexto no que existe un equilibrio entre o emprego de dispositivos tecnolóxicos, como dispositivos electrónicos ou taboleiros dixitais interactivos, con materiais máis tradicionais, como libros físicos, cadernos e outro material convencional.
Este modelo busca aproveitar o mellor de ambos mundos: os recursos tecnolóxicos ofrecen interactividade, acceso a contidos multimedia e personalización da aprendizaxe, mentres que os métodos tradicionais permiten un contacto máis directo e tanxible co coñecemento, fomentando habilidades como a escritura manual. Cando se combinan correctamente, poden potenciar o compromiso dos estudantes, diversificar as estratexias de ensino e atender diferentes estilos de aprendizaxe.
Cada centro pode e debe decidir como xestionar os diferentes recursos, flexibilizándoos e adaptándoos para dar resposta ás necesidades do seu alumnado.